Recordatório [A Guarda] 4 e 5 Julho - AntiRepresSom!! Festival Solidário cxs Presxs em Luita no CS O Fuscalho

Reproduzimos convocatória deste Festival AntiRepresSom recebeda na nossa caixa de correios:

O dia quatro de julho comezará a tormenta. As cadeias arderam a (des)ritmo de rap e punk, as presas fugaram-se e a Lua brilhará no alto. Fogueiras estenderam-se por A Guarda e as lobas ouvearam ate o mencer. O mar rebentará o dique dumha vez e os surfistas nazis morreram em Fedorento. Ou isso esperamos.

De momento, nós oferecemos um festi de dois dias para darlhe banda sonora á revolta e APOIAR ÁS PRESAS EM LUITA. Logo vos, facede o que vexades.

PROGRAMAÇOM:

SEXTA 4 DE JULHO.
18.00 horas. Palestra “O hip-hop como ferramenta de transformación social”. A cargo de compas do Hip Hop Ateneu.
20.00 horas. Musicote Hip Hop Guapo Anticarcerário:
REBELIOM DO INFRAMUNDO: Hip-hop que che rachan os ouvidos representando o colectivo Track-asedio
FURNIER: Delírio iconoclasta dende os pisos francos dalgum bairro da Galiza. Afín á Internacional do Mal.
PURA MESTURA: Rap sincero e sen doctrinamentos, outra gran proposta do colectivo Hip-Hop Ateneu
PRÓFUGO. Lágrimas produzindo beats. Corvos bruxos, delinquentes e cadelos dende o bosque de Sherwood.

SABADO 5 DE JULHO.
-14:00 Jantar Solidário. Elaborado sem sofrimento animal
-16:00 Exibiçom de Skate e Grafiti amenizada por picadiscos na pista do porto.
-20:00 Coloquio: A Música e Movimento. Contaremos con integrantes das bandas participantes para debatir um bo rato.
-22:00 Noite Hardcore/Punk a cargo de:
THE TXARRANS. Vella escola ghuardesa dando mimbre coma sempre. ¡Viva o Punk com aires campusinos!
CONTRA AS CORDAS. Barbarie ourensá. Tralha afiando cotenos. Hardcore sapatilha ou morte.
OS PORCONAS: Xs porcxs que sairam bem parados da rebeliom na granja agora som punkis, coidado com elas.
HERR CONTAINER: Punkis com cara de crustis que tocam hardcore e molalhes o rocanrol, em resumo... canha pura e dura.
THE JAVI BOMBIN EXPERIENCE. Lobo estepário ouveando dende o Tegra. Berridos acústicos portuários de lua cheia.

Agardamos por todxs.
Serám umhas noites fermosas de solidariedade e apoio.
¡Porque nom ha nada mais fermoso que umha prisom em chamas!
Leer más...

Recordatorio: Concentración e Xornadas Antifascistas na Coruña

Recordamosvos a convocatoria para este fin de semana dunhas Xornadas Antifascistas. Os eventos comezarán o venres cunha CONCENTRACIÓN CONTRA AS LEIS FASCISTAS, en referencia a Lei Mordaza, A lei do Aborto e demáis "xoias penais" coas que o goberno pretende devolvernos aos tempos do nacionalcatolicismo. Tamén pretende solidarizarse coa exemplar loita do pobo burgales contra os desmandos especulativos da súa clase política e empresarial. Será no Obelisco as 20:00h do día 17, quen queira pode facela súa (e presentarse coas súas propias pancartas ou reivindicacións), e este é o cartaz:

Durante todo o día seguinte, e dende as 11:00 A.M., se desenvolverán unhas Xornadas Antifascistas no C.S.O. Palavea (Rúa Río Quintas 31, na N-550 xunto a Oh! Coruña) con partidos de futbol (monta tí o teu equipo), exhibicións de boxeo, xantar vegano, charlas de Alfon e de Suso Cela, pases de vídeo e concertos de "Talleres McGiver", "La familia del Delirio", "Bitxo Bola" e máis "Kira D.J.".
Aquí tedes o cartaz:

Subido por C.R. coa información facilitada dende Acción Antifascista Coruña.
Leer más...

PALESTRA DE "NAIS CONTRA A IMPUNIDADE" EN VIGO SÁBADO 23 NOVEMBRO coa presenza de Lola (nai de Noelia Cotelo) e Pastora (Nai de Xose Tarrio)

Difundimos a petición de AFFAP-GZ, por un lado, e NAIS CONTRA A IMPUNIDADE polo outro, a convocatoria da seguinte charla:

En Marzo do 2012 ten lugar a asamblea constitutiva da Asociación "Nais contra a impunidade", que agrupa a nais de persoas presas nas cadeas do estado español, e que colabora con outras organizacións de familiares de persoas presas, e doutros tipos; favorecendo así a creación dun movemento social anticarcelario e autoxestionado.

Esta asociación agrupa a nais de pres@s, indistintamente de ideoloxías, e asimesmo non ten relación con nengún partido político.

A loita das nais é autoxestionaria, e quere achegar a súa mensaxe de denuncia social e as súas loitas anticarcelarias á sociedade.

Por iso, difundimos e denunciamos os abusos que se producen nas cadeas, e mantemos viva a memoria de quenes faleceron nas cadeas por mor dos abusos. Tamén colaboramos na producción de materiais relativos ao SIDA, aos CIE's (Centros de Internamento de Estranxeiros), e aos recortes de dereitos sociais que sofren as persoas presas.

No 2012 morreron mais de 50 persoas mentres estaban baixo custodia. Moitas institucións penitenciarias veñen retirando as guardas médicas necesarias para atender a saúde da poboación carcelaria, e os diversos castigos que teñen lugar baixo os illamentos e os rexímenes inhumanos dos FIES, agravan esta situación.

Animamosvos a que acodades a nosa charla para informarvos destas situacións e animarvos a colaborar connosco.

¡¡¡Fronte á impunidade de quenes abusan d@s nos@s fill@s, e fronte á ineficacia dun sistema carcelario cruel e inhumano!!!. ¡¡¡NAIS CONTRA A IMPUNIDADE!!!.


Dende os diversos grupos e colectivos convocantes deste acto, solicitamos a colaboración de persoas e organizacións sociais coa devandita asociación, xa que a súa actividade é de interese social, alén das inquedanzas políticas:

Pola nosa parte, somente podemos dicir que:

-O cárcere non reeduca nin integra a ninguén, porque a educación das persoas soio pode ser integral, liberadora e feita en e para una sociedade libre e igualitaria.

-O cárcere e unha ferramenta de control social, que serve para castigar a quenes loitan contra o actual sistema, e a quenes padecen as piores problemáticas socioeconómicas que aquel produce.

-O estado e as leis son contrarios ao evoluir da ética social, tal e como se observa nos diversos movementos sociais de carácter crítico que optan por dar alguna resposta ás inxusticias sociais. Polo tanto, o estado e as leis están obsoletas e deben desaparecer.

-Os abusos e vivencias que relatan as "Nais contra a impunidade" son certas, pois cando unha persoa ten poder sobre outra, reproduce actitudes e comportamentos antisociais e contrarios aos valores humanos máis básicos.

-As leis, neste caso penais, deben ser abolidas e rexeitadas progresivamente, de maneira paralela á construcción dun sistema xusto e igualitario.


O texto aquí reproducido é o da páxina da Asamblea de Familiares e Amigxs das Persoas Presas -AQUÍ. Pola súa banda, Nais contra a impunidade pídennos tamén difusión -DESTAS xornadas en Salamanca e -DESTAS OUTRAS en Sevilla.
Leer más...

V Xornadas Micolóxicas de Pontedeume

Difundimos, con gran placer, a próxima convocatoria das xornadas micolóxicas coas que os compas da okupa "A Casa da Estación" de Pontedeume (desta volta xunto con máis locais da vila) nos obsequian todos os anos:

Os vindeiros 15,16 e 17 de novembro terán lugar ás V Xornadas micolóxicas de Pontedeume. Este ano, ademais do programa e o espazo habitual, contaremos coa participación do Colectivo Terra, con varios estabelecementos de hostalaría da vila que farán unha pequena ruta de petiscos micolóxicos, e cunha exposición permanente de cogomelos no CSO A Casa da Estación.

DATA: venres día 15 de novembro
HORA: 20.15 horas
LUGAR: Colectivo Terra
ENDEREZO: Boa Vista, 8, baixo, Pontedeume
http://colectivo-terra.blogspot.com.es/
ACTIVIDADE:
Presentación das xornadas.
A partir das 20.30 horas: palestra/obradoiro “Conservación e envasado de cogomelos” a cargo de Manolo Costas (Presidente da Asociación micolóxica Viriato)
Ademáis teremos a ocasión de desfrutar da presentación do libro Os cogomelos na cociña e outras cousas.
Máis información:
http://amviriato.wordpress.com/
http://www.baiaedicions.net/castellano/os-cogomelos-na-coci-a-e-outras-cousas.html

DATA: sábado 16 de novembro
LUGAR: C.S.O. A Casa da Estación
ENDEREZO: Avenida de Ferrol, 71, Pontedeume
http://csocasadaestacion.blogspot.com.es/

HORA: 8.30 horas
ACTIVIDADE: saída a Serra do Forgoselo a recolectar e clasificar cogomelos. Virán con nós Luis Cuba e Antonio Díaz, grandes micólogos e cociñeiros. Aprenderemos as nocións básicas para a clasificación de cogomelos e algún que outro consello de cociña.
Máis información:
https://es-es.facebook.com/pages/Luis-cuba-y-la-micolog%C3%ADa/252168018168929

HORA: 15.00 horas
ACTIVIDADE: xantar popular
Menú: empanadas, croquetas,sopa de outono, carpaccio de edulis, arroz cremoso e de sobremesa, membrillo con cantarelo. Na cociña contaremos coa participación de Antonio Díaz, gran cociñeiro e micólogo.
Máis información:
http://andarubel.com/index.php

HORA: 18.30 horas
ACTIVIDADE: concurso á mellor cesta de cogomelos. Haberá que presentar 10 especies perfectamente catalogadas e facer unha breve exposición.
Xurado composto por Jose María Costa, Antonio Díaz e Luis Cuba. Como premio un lote de libros sobre micoloxía.

HORA: 19.00 horas
ACTIVIDADE: palestra “Etnomicoloxía e curiosidades sobre os gasteromycetes” a cargo de Jose María Costa Lago (micólogo e membro da Asociación micolóxica - naturalista Pan de raposo)
Máis información:
http://panderaposo.es/

Introducción:
Grupo tan artificial como polifilético, os gasteromycetes son un grupo de fungos moi coñecidos a nivel popular. A súa variada e vistosa macroscopía, moi alonxada dos típicos agaricais con forma de paraugas e os peculiares cheiros dalgunhas especies chamaron moito a atención tanto do home e da muller do campo como dos primeiros naturalistas. Aínda así son considerados nos círculos micófilos como fungos de “segunda orde”. Algo lamentable, pois para o afeccionado á micoloxía de campo tódolos fungos deben ter a mesma dignidade.

HORA: 20.30 horas
ACTIVIDADE: sairemos pola vila a facer unha ruta de petiscos micolóxicos acompañados por uns/unhas gaiteirxs. Polo de agora participan Bar O trasteiro e Bar O varadoiro.

DATA: domingo 17 de novembro
HORA: 9.00 horas
LUGAR: C.S.O. A Casa da Estación
ENDEREZO: Avenida de Ferrol, 71, Pontedeume
http://csocasadaestacion.blogspot.com.es/
ACTIVIDADE: saída as Fragas do Eume xunto a Jose María Costa Lago, experto en ascomicetos (soamente para clasificar e desfrutar da natureza, non para recolectar).Tamén estará Alberto López Teixido, doctorando en bioloxía i estudioso das Fragas do Eume, con el aprenderemos a clasificar todo tipo de árbores e saberemos como funciona un ecosistema como o das Fragas do Eume.

HORA: 15.30 horas
ACTIVIDADE: xantar micolóxico.
LUGAR: Bar O trasteiro
http://www.google.es/url?q=https://www.facebook.com/Bar.O.trasteiro&sa=U&ei=xVByUpKLA-aR7Aa-woHwDA&ved=0CB8QFjAA&usg=AFQjCNH6GdIfmmBsDOV16cU_W7Q14mn8mA

Para inscribirse nas xornadas mandade un mail co voso nome e apelidos a seguinte dirección (csoadaestacion@gmail.com).
Unha aperta e saúde

Blog do C.S.O. A Casa da Estación -AQUÍ.
Leer más...

Recordatorio: Hoxe Charla de Miquel Amorós no C.S.O. Palavea de A Coruña

Despois de conferenciar nas Xornadas Anarquistas de Compostela, e antes de facelo en Lugo (-AQUÍ), Ponteareas (-AQUÍ) e Vigo (-AQUÍ), hoxe tócalle o turno a A Coruña. As 19:00h no C.S.O. Palavea (Rúa Río Quintas 31, na N-550 xunto a discoteca OH! Coruña), este escritor e pensador anarquista falará sobre " A defensa do Territorio a nova Loita de Clases".

Blog da Okupa: http://okupacorunha.wordpress.com/
Leer más...

Actividades de Outubro no C.S.O. Palavea (A Coruña)

Deixamos aquí o cartaz de actividades do presente mes de Outubro na okupa coruñesa C.S.O. Palavea (Rúa- Río Quintas nº31, na N-550 xunto a discoteca OH! Coruña).

Xunto as habituais actividades permanentes(Ioga, xantador pro-presos, reparación e reciclaxe informática, horta...) destacan as charlas de Octavió Alberola, para mañá martes 15, sobre a "Loita Armada anarquista contra o franquismo" (máis info da charla neste blog -AQUÍ) e a do xoves 31 de Miquel Amorós sobre "A defensa da Terra a nova loita de clases". O sábado 26 haberá tamén concerto de "El Rumor" e "Moito Moucho".

Blog da okupa -AQUÍ.
Leer más...

Charla de Octavio Alberola no C.S.O. Palavea:"Resistencia armada libertaria ao franquismo"

O vindeiro martes 15 de Outubro, ás 19:00h, o histórico militante anarquista Octavio Alberola obsequiaranos cunha charla sobre a resistencia armada ao franquismo así como sobre as actividades subversivas en Europa nas décadas dos 60 e 70. Será na okupa coruñesa C.S.O. Palavea, Rúa Río Quintas nº31 (na N-550 xunto a dicoteca OH Coruña), a que podedes chegar nos autobuses 1A, 20 e 22.

A charla comezará cunha breve descrición do período que vai do triunfo das forzas franquistas ata o final do ano 1960, ano no que morre Francisco Sabaté, "o Quico". A morte de Sabaté, para moitxs un símbolo da resistencia ibérica, xunto con outros exemplos como Massana, Facerias ou Caraquemada, marcou o final dunha era de introspección para iniciar a loita coordinada internacionalmente contra o imperialismo e todas as súas manifestacións.

A exposición centrarase nos feitos acontecidos a partir do ano 1961, ano en que o anarquismo español, despois dunha longa etapa de división interna, consuma oficialmente a súa reunificación, e en que, por primeira vez, no exilio se aproba o recurso da acción violenta na loita contra a ditadura franquista. Tras a reunificación constitúese o organismo conspirativo "Defensa Interior", formado por acordo da CNT, a FAI e a FIJL. Pero pronto se viu que a vontade de entrar nunha dinámica de acción directa contra a ditadura franquista quedaba en papel mollado polos numerosos obstáculos que se poñen dende as direccións da CNT e da FAI á súa actuación. As Xuventudes Libertarias, néganse a renunciar á estratexia de activismo revolucionario e do seu seo e co apoio dalgúns militantes experimentados nace o Grupo Primeiro de Maio. O activismo anarquista contra a ditadura nos anos sesenta e setenta influíu e foi influído por outros grupos revolucionarios que xorden en todo occidente, axudando a ser altofalante da existencia da Ditadura franquista e as súas alianzas coas democracias occidentais.

Octavio Alberola, testemuña de excepción en todos estes feitos, compartirá connosco tan revolucionaria experiencia vital.

Aproveitamos para anticipar a vindeira charla de Miguel Amorós na mesma okupa o 31 de Outubro.
Blog do C.S.O. Palavea -AQUÍ.

Leer más...

[Vigo] Sábado 14 - Roteiro "Plantas Silvestres Comestibles" e Charla-presntación libro "Cadaver a la Intemperie"

As compas de CaskOkupa de Vigo confirmannos o qué xa nos apontara un/unha comentarista anónimo/a na noticia das charlas na Galiza de Pedro García Olivo , a sua presencia tambén en Vigo no Xuntas C.S.O.A. e ademáis convocan, no mesma xornada un interesante roteiro "jiado" por César Lema.

Copiamos o seu correo con as convocatorias e os "Karteis" respectivos "koa info das interesantísimas aktividades ke se van facer este sábado 14 de setembro":

de 11:00' a 14:00' Roteiro "PRANTAS SILVESTRES KOMESTIBLES" na Horta Colectiva do Berbés jiado por CÉSAR LEMA, cita as 10:30' no Olivo (Paseo de Alfonso XII)
+
as 20:00' Charla-presentación do libro "Kadáver á intemperie" no Xuntas C.S.O.A. (r/ do Carme nº 1) kon PEDRO JARCÍA OLIVO

Difundide a info, facede favor, e mirámonos alí.

Apertas kriminais!!

Para máis información mirade os cartazes (ou karteis)
Leer más...

[Pontedeume] Venres 13 e Sábado 14 setembro.- II Xornadas Anarquistas e II Festival Punkxea no CSO A Casa da Estación [ Recordatorio e Actualización ]

Hai días recollíamos do seu blogue esta cumprida convocatoria dxs compas de Pontedeume (onde participaremos algunhas piratas de Abordaxe para falar da nosa revista e do blogue e do que xurda), agora re-editamos como recordatorio e además publicamos o cartaz definitivo das xornadas, que ,como vedes, está feito por Carlos Azagra, grandísimo debuxante e colaborador de revistas como Víbora, Makoki ou El Jueves, ao que xs compas da CSO A Casa da Estación cumprimentan con o mais sincero agradecemento por este pedazo de cartaz (para velo máis grande, clicar sobre el e abrilo noutra pestana ou ventá):

Venres 13

19:30 horas: Presentación das Xornadas.

20:00 horas: Presentación do Grupo Humanidad Libre de Lugo e palestra “Historia do anarquismo e anarcosindicalismo dende o ano 1864 ata 1939” a cargo dxs compañeirxs do Grupo Acción Directa de Vigo.

21:30 horas: Música Libre (trae o teu instrumento e únete a improvisación).

23:00 horas: Campionato de Futbolín (2€ por parella) e como premio un trofeo e un lote de libros.

Sábado 14

12:00 horas: Actividades para Nenxs nas que haberá Monicreques e Obradoiro de Pintura.

13:30 horas: Faremos a Comida entre todxs.

15:30 horas: Xantador Solidario (tódolos cartos recadados irán destinados a pagar xs abogadxs que levan a causa penal aberta a varixs compañeirxs na XIII Marcha a cadea de Teixeiro).

17:30 horas: Presentación da Asociación Nais contra a Impunidade, que naceu no ano 2012 e que loita para que as vítimas de tortura e malos tratos non fiquen condenadas ao esquecemento. En memoria de Xosé Tarrío e Diego Viña, mortos baixo custodia policial e carcelaria e cuxa desaparición forzosa e cruel ficou nin investigada nin esclarecida.

19:00 horas: Presentación da Revista Anarquista Abordaxe. Contrainformación, artigos de investigación, noticias, etc., do anarquismo galego e internacional. De formato dixital e tamén con edicións especiais en papel.

22:30 horas II FESTIVAL PUNKXEA

Monstruación (Punk dende Corneyá):
Mítica banda punk formada no ano 1984.

http://monstruacion.bandcamp.com/

http://r-evolutionpunk.blogspot.com.es/2010/08/monstruacion-mienten-cotxeres-de-sants.html
http://www.youtube.com/watch?feature=player_embedded&v=xW6QmqAqRJw#!
http://www.youtube.com/watch?v=Y3WXOxc5WfA
http://www.youtube.com/watch?v=he3fq52zBxg

Bitxo Bola (Cantautor punk presentando novos temas):

http://www.youtube.com/watch?v=aMxWWlzn2dM
http://www.youtube.com/watch?v=_pNaDe2S7zk

Debakle (Punk dende Valladolid):

http://www.debakle.com/

http://www.youtube.com/watch?v=M-OGDXQEPHY
http://www.youtube.com/watch?v=QolpqlOoXkg
http://www.youtube.com/watch?v=43Axpp1zEFg

Brodio (Punk dende Carral)

https://www.facebook.com/photo.php?v=616349421727804&set=o.137540099740638&type=2&theater

Durante tódalas xornadas haberá espazo dispoñible para pintar ou facer grafiti colectivo.

Tamén serán benvidas as distribuidoras alternativas, artesanía, produtos de horta, etc. Se habilitará un espazo para montar unha pequena feira que estará aberta durante as xornadas.

Tódolos cartos recadados de entrada e inscricións serán destinados a pagar multas e os desprazamentos dos grupos musicais e da xente que dará as palestras.

CS0 A Casa da Estación
Avenida de Ferrol 71
Punktedeume, onde o punk non morre nunca.

Como chegar? (O CSO Casa da Estación está ubicado aprox. onde o cadrado bermello)

Leer más...

15 e 16 de setembro: Pedro García Olivo presenta o seu último libro en Lugo e Compostela

«Cadáver a la Intemperie» é o título deste novo libro que, o Domingo 15 às 20:00' no Ateneo Libertário "A Engranaxe" e o Luns 16 às 20:30' na Biblioteca Anarquista "A Ghavilla", será presentado polo seu autor no que está a ser o seu segundo ciclo de presentacións (polo norte e noroeste da península) deste seu último libro (que intuímos que non será o derradeiro) editado por Logofobia.

Ademais, como apontan no blogue de "A Ghavilla" (onde podedes ler unha crítica do libro que fan as compas da librería e editorial libertaria Malatesta): Pedro virá acompañado por outra persoa desta editorial anticomercial e nos primeros 10 minutos da charla van ir adicados a falar da acampada contra as liñas electricas de Moi Alta Tensión (MAT) que se está realizando en Girona, dado que algun compañeiro de seu está por alá, tema que consideran moi interesante (nos tambén) e do que necesitan apoio por aquilo cren (e cremos) importante darlle difusión. (podedes atopar información sobre a loita anti MAT no seu blogue: www.torresmasaltashanciado.espivblogs.net ).
Leer más...

[Balboa] Domingo 8 - Jornada contra a minaria a ceu aberto

Dentro do macrofestival "Vibra Balboa" (macro pola ingente quantidade de grupos e actividades, nom polo espaço a ocupar) na jornada do Domingo 8 está previsto que tenham lugar palestras e umha mesa redonda sobre este conflito que nos abrangue e preocupa, e nom só na Galiza. Assim nestas terras bercianas, na Casa das Gentes, teremos:

- As 11:30' Palestras sobre a minaria a ceu aberto com:

O negócio do ouro em Corcoesto ( por Contraminate de Laxe )
Efeitos da minaria de carbom em Laciana ( por SOS Laciana )

- As 17:00' Mesa redonda:

Estratégias comunes para fazer fronte ó espólio das grandes companhias mineiras ( com Rede Contraminación e SOS Laciana )

Mais e melhor informaçom sobre esta jornada nesta ligaçom da web do Festival

Além, desde o joves 5 até o mesmo domingo 8, haverá quantidade de actuaçons musicais (por só 10€ venda anticipada para os quatro dias!!) e obradoiros, espectáculos de circo, teatro, mágia, poesia, gimcana, festa hortera e outras actividades debalde.

Nom deixes de informar-te na sua web, de como chegar e de todas as actividades previstas

Leer más...

[Cangas] 5 e 6 de xullo .- Xornadas sobre Educación Libre

Damos conta desta convocatoria para hoxe mesmo e mañán sábado en Cangas do Morrazo no local de "O Bosque de Beni" no Camiño Vello de S Roque nº 31

Hoxe venres 5:

- 19:00' Proxección do docu: "Escola libre Paideia"

- Depois do docu: Charla-Debate con: Rosa Graña da Fundación Ecoaia e do Espazo de aprendizaxe libre "Pumariños" e Luz Outeiral do Espazo de aprendizaxe libre "O Bosque de Beni"

Sábado 6:

- 19:00'Proxección do docu: "Do berce às reixas"

- Depois do docu: Coloquio sobre a casa de acollida "Ruka Inche" en Puerto Mont con Oskar

- Para finalizar Ceador Vegano
Leer más...

[Lugo] Sábado 29 as 20:00 no Ateneo Libertario "A Engranaxe"- Charla debate sobre industria farmacéutica, médicos, hospitales...alternativas

Recibimos e defundimos esta actividade das compas do Ateneo Libertario A Engranaxe de Lugo, ubicado na r/ Rio Sil 52.

Leer más...

[A Coruña] Venres 7 as 20:00' Palestras: Por un Ferrocarril Galego Público ,Social e con Futuro

Colamos esta convocatoria que recebimos dun asiduo visitante deste blogue.

As palestras organizadas pola Asociación Veciñal Atochas-Monte Alto-Torre de Hércules terán lugar na Biblioteca Veciñal do Campo de Marte as 20:00'.

Como anticipo o noso compa envianos este artículo de Carlos Taibo "Fomento sen trens" sobre o feche de liñas de ferrocarril (ou sobre a desertización ferroviaria) que colamos unha vez traducido a nosa lingua:

Sabido é que o Ministerio de Fomento tomou a delicada decisión de pechar medio centenar de liñas de tren. Segundo a versión oficial dos feitos, semellante decisión responde a un criterio de estrita rendibilidade. A explicación soa a algo ben coñecido: déixase de investir durante anos nas liñas en cuestión, permítese que o servizo se deteriore e, ao cabo, o peche preséntase como inexorable.

Pena é que, da man dunha primeira e palmaria contradición, o amentado criterio da rendibilidade só se aplique, non obstante, a determinados servizos ferroviarios. Porque ninguén conseguiu demostrar que a alta velocidade, tan idolatrada polos nosos gobernantes, é rendible. Nestes días máis dun recordou que vinte anos atrás se manexou repetidas veces a idea de que a amortización do investimento que reclamara, dúas décadas atrás, a AVE Madrid-Sevilla se ía tomar nada menos que cen anos. E subliñouse tamén que as novas liñas de alta velocidade haberán de ser, por forza, aínda menos rendibles que as actuais. Para pechar o círculo, obrigados estamos a certificar que o que se vai aforrar da man do peche de catro ducias de liñas de ferrocarril é unha parte minúscula do que se segue investindo na AVE.

Por se pouco fóra o anterior, e isto é acaso máis importante, na decisión dos nosos gobernantes adivíñase unha nula perspectiva de futuro: nun escenario planetario no que se antolla inevitable o encarecemento da maioría das materias primas enerxéticas que empregamos o seu sería --parece-- puxar con claridade polo tren. O obxectivo non sería, entón, absterse de pechar liñas senón, antes ben, ampliar o trazado da rede ferroviaria. E non só no que fai a pasaxeiros: tamén no que se refire a mercadorías, toda vez que --dito sexa de paso-- a AVE é de novo, neste terreo, unha ruína.

Claro é que actuar deste xeito implicaría primar o ben público e facer outro tanto cos dereitos das xeracións vindeiras, prioridades que con toda evidencia non están no guión, aberrantemente "curtoprazista", dos que toman decisións como as que nestes días nos ocupan. A aposta do Goberno español, a través do peche de liñas ou da súa substitución polo transporte en autobús --que sen dúbida é unha opción provisional que en moitas casos abrirá o paso á clausura, sen máis, dos traxectos afectados--, apunta a unha final privatización, franca ou encuberta.

A conclusión parece, en fin, servida: o proxecto ferroviario que abraza o actual goberno español carrexa unha aposta desmesurada en proveito de trens que deben beneficiar en exclusiva ás capas apousentadas da poboación --quen pode pagar un billete de AVE--, por un lado, e aos habitantes das grandes cidades, polo outro. Mentres as posibilidades de transporte ao alcance da maioría se degradan, a desertización ferroviaria é obxecto dunha nova volta de rosca. O efecto maior non é senón unha plena disolución do concepto de servizo público acompañada do despregamento de sangrantes discriminacións. Canto tempo tardaremos en decatarnos das secuelas, indelebles, de tanta loucura?
Leer más...

[Lugo] Venres 7 às 18:00' Charla "Fracking Non" e depois Ceador Vegano no Ateneo Libertario "A Engranaxe"

Ao igual que noutras entradas deste blogue onde dabamos conta desta charla informativa durante esta semana na Galiza, tambén estará en Lugo un compa da Asamblea contra o Fracking de Burgos para falar sobre a Fractura Hidráulica, e os proxectos na Cornisa Cantábrica:

A fractura hidráulica ou "Fracking" consiste en usar toneladas de auga con area e productos químicos, a alta presión, dirixida cara abaixo da terra e a través de pozos perforados horizontalmente a máis de 2000 m de profundidade. A mistura presurizada fai que a capa da pizarra se fracture. Estas fisuras mantéñense abertas con area para que o gas de pizarra poida fluir hacia o pozo. As consecuencias da fractura hidráulica son nefastas para o medio ambiente e para as habitantes do territorio.

Podedes leer as máis sinificativas na entrada deste blogue onde damos conta desta mesma charla hoxe mércores 5 en Ourense (ver acá). Ademais sinalar que en Compostela contaremos con o compa dentro das Xornadas Antidesenvolvistas este xoves 6 (ver acolá)

Mais información no seu blogue e no dos seus compas de Cantabria
Leer más...

[Ourense]. Mércores 5 xuño as 18.30 na Praza de S Martiño.- Charla informativa sobre o problema da Fractura Hidráulica na Cornisa Cantábrica

O vindeiro mércores 5 de xuño as 18.30 da tarde na Praza de S Martiño (zona vella) Charla Informativa sobre a Fractura Hidráulica, e os proxectos na Cornisa Cantábrica (e se chove vémonos a mesma hora no Sem Um Cam na rua do Vilar nº9).

O territorio da Península Ibérica vai camiño de convertirse nunha reserva enerxética de Europa e outros paises ricos. Pode ser unha saída á crise pero ¿a qué prezo? ¿saída da crise para quén? ¿qué intereses reais están detrás destes proxectos ou burbullas enerxéticas? Dende a megaminería ata a fractura hidráulica, pasando por outras tantas, a nosa vida e a da terra na que vivimos está por desaparecer... se non o impedimos.

A fractura hidráulica ou "Fracking" consiste en usar toneladas de auga con area e productos químicos, a alta presión, dirixida cara abaixo da terra e a través de pozos perforados horizontalmente a máis de 2000 m de profundidade. A mezcla presurizada fai que a capa da pizarra se fracture. Estas fisuras mantéñense abertas con area para que o gas de pizarra poida fluir hacia o pozo.

As consecuencias da fractura hidráulica son nefastas para o medio ambiente e para as habitantes dun territorio, entre elas:

- Elevado consumo de auga: demanda que entra en conflicto co abastecimento para outras necesidades da poboación)

- Compuestos tóxicos: o fluido introducido nos pozos contén entre 55.000 e 225.000 litros de productos químicos por pozo. Moitos de estos productos son sustancias tóxicas, alerxénicas, mutaxénicas e canceríxenas.

- Metales Pesados e Radiactividade: o fluido recuperado, entre o 15% e o 80%, pode arrastrar metais pesados extremadamente tóxicos (arsénico, plomo, mercurio...) e elementos radiactivos (uranio, radio...) presentes nas capas profundas da rocha.

- Contaminación de rios, augas subterráneas e atmósfera: fugas nos tanques, evaporación dos fluidos e vertidos, fallos na cimentación e deterioro do revestimento, filtración de gas metano nos acuíferos, terremotos de baixa intensidade, fugas...
Leer más...

[Vigo] Sábado 1 xuño as 20:00' - Charla: "Gastos militares e modelo de defensa do Estado Español" no CS A Cova dos Ratos

Recibimos esta convocatoria do Espazo Aberto Antimilitar e damoslle pulo:

Dentro da campaña pola Obxección Fiscal aos Gastos Militares 2013 organizamos unha charla o sábado 1 de xuño na que contaremos coa presenza de dous membros do colectivo Utopía Contagiosa.

O título da charla é "Gastos militares e modelo de defensa do Estado Español" e nela contaremos coa presenza de José Ambrona e Juan Carlos Rois que nos falarán dos gastos militares no Estado español e analizarán o modelo de defensa actual baseado no militar e a violencia.

Será o sábado 1 de xuño a partires das 20h00 na Cova dos Ratos (Romil 3, Vigo)

+info: http://www.nonaogastomilitar.org/content/1xu-o-charla-gastos-militares-e-modelo-de-defensa-do-estado-espa-ol
Leer más...

[Lugo] Sábado 1 de xuño as 18:00' .- Charla, Debate sobre a Ruka Inche no Ateneo Libertario A Engranaxe

Con a presencia dun compañeiro do Grupo de Apoio da Galiza será presentado o video "De la Cuna a las Rejas" e falarase da experiencia do proxecto "Ruka Inche" e dos Centros de Menores en Chile.
O Ateneo Libertario "A Engranaxe" ubicase na rua Río Sil 52 local 3
Leer más...

[Vigo] Mércores 22 as 20:30' na Cova dos Ratos: Charla sobre a Represion ao Movemento de Dereitos Animais e depois Concerto

Escrebenos dende A Cova dos Ratos para axudar a difundir esta convocatoria, cousa que facemos gostosas:

Entre os días 3 e 26 de Maio, dous activistas imputados no “golpe represivo ao Movemento de Dereitos Animais” viaxarán por todo o Estado Español co obxeto de dar a coñecer a represión e o montaxe policial que está padecendo o Movemento de Dereitos Animais estatal e internacional

Eneko Pérez, de Bilbao e Eladio Ferreira, de Vigo que pasaron 5 días nos calabozos de Santiago de Compostela e 19 días en prisión preventiva e que hoxe atópanse xunto a 10 compañeir@s en liberdade provisional e xunto a 13 nov@s imputad@s, percorrerán a xeografía estatal pasando por 18 cidades donde esperan chegar á treintena de conferencias.

Estes dous activistas, xunto cunha vintena máis están imputados nun caso de claro montaxe policial e xudicial. O seu traballo non foi outro que documenta-la vida que padecen os visóns nos criadeiros da industria peleteira e se lles pretende relacionar con 2 sueltas de miles de visóns acontecidas entre o ano 2007 e 2009 coas que non teñen relación algunha.

Na conferencia mostraráse o traballo que levan a cabo e fárase unha análise de cómo os poderosos lobbies das industrias de explotación animal foron xerando unha campaña de comunicación e de represión contra o movemento ecoloxista e de dereitos animais dende os derradeiros 30 anos no mundo enteiro.

Así en Vigo a charla terá lugar, tal como dixemos no titular da noticia e anunciase no cartaz, o Mércores 22 às 20:30' na Cova, e depois haberá Concerto de Aitormenta( Rumba, Blues, Rock e Carallada!!). Para quen aínda non saiba, recordamos que A Cova dos Ratos está ubicada na rúa Romil nº3, baixo.



Cuña de radio

Para calqueira dúbida podes escreber a info@represionderechosanimales.info

Datas e lugares detallados das charlas (ver acá)

Máis información sobre o proceso represivo (ver acolá)

DIFUNDE! Leer más...

Hoje e Amanhã em "A Ghavilla": Palestra e Cinema

Já publicada acá a convocatória da apresentação do livro “Flores Silvestres, uma antologia de Abele Rizieri Ferrari” para hoje luns 13 de maio às 20h30', à que vos convidamos a assistir para conhecer da mão dum dos seus responsaveis editores a turbulenta vida do poeta anarquista italiano Renzo Novatore.

Queremos saientar a continuidade do nosso Cinema-Forum Anarquista com a projeçom, amanhá martes 14 às 20h., do filme boliviano "El Cementerio de los Elefantes" onde Juvenal um home de 33 anos, alcolico desde os seus 14 anos, decide ir a se passar os seus derradeiros dias de vida, no “Cementerio de los Elefantes”, um local que é o preferido dos empedernidos alcolicos da cidade de La Paz (Bolívia).

Neste sítio existe a “Suite Presidencial”, um quarto imundo no que Juvenal se passará os seus últimos 7 dias, recordando a sua obscura nenez e a sua tenebrosa joventude, só estas lembranças acompanharám a sua decisom de beber alcol até morrer.

"El Cementerio de los Elefantes", pom em evidência umha realidade crua e desconhecida do sub-mundo da cidade de La Paz.

Este filme toca temas sociais como a violência familiar, violência à mulher, maltrato infantil, o alcolismo. Temas que merecem umha reflexom por parte da sociedade no seu conjunto.

Ficades todas convidadas a assistir aos dous atos.
Leer más...