O "Neno Xesus" roubado do Belén de Compostela aparece nun caixeiro

Nesta madrugada , pasado o día de nadal, a figura do Neno Xesus "secuestrada" hai uns días do Belén da praza do Obradoiro de Santiago de Compostela apareceu nun caixeiro automático dun banco da capital galega. O "desafiuzamento" desta tradicional figura do Nadal alcanzou moita relevancia mediática grazas aos comunicados cos que o grupo F.A.R.T.A.S.(Fomos Armala Raptando Temporalmente Ao Susinho) reivindicou o acto como unha medida de denuncia política do actual contexto de crise e precarización social.

Arriba deixamos o ultimo video-comunicado co que o grupo anuncia a liberación do seu refén; abaixo reproducimos o primeiro, no que reivindican o "desafiuzamento" da figura relixiosa. Ambos os dous comunicáronos ao colectivo STOP deshaucios de Compostela.



Elaborado por C.R. con información dos medios comerciais. Os videos os sacamos do Faceboock de STOP deshaucios Santiago de Compostela.
Máis info en medios alternativos -Aquí en "Diario Liberdade" e -Aquí en "Galizalivre"