Deputado do PP solicitou embarga-la prestaçom por desemprego dumha mulher.

Assim as gastam estes "eleitos representantes do povo".

A notícia recolhia-la o jornal digital eldiario.es na sua ediçom de ontem, mas aconteceu no passado mês de setembro, quando Raúl de la Hoz, assim chama-se este advogado e deputado da Corte de Castilla-León, em representaçom de Bankia, tentara que um juíz embargara os 598 € da prestaçom por desemprego, que supunham os únicos ingressos fijos da mulher, para fazer fronte a déveda hipotecária que contraera tra-la compra dumha vivenda. Mas, além de constituir umha aberraçom jurídica, dado que reclamar o embargo dumha prestaçom por desemprego carece de sentido e é contrário a direito pois é prácticamente inembargável, a petiçom era irracional pois a vivenda ficara a cárrego do seu exmarido após umha sentência de divórcio e mesmo Bankia já tinha ejecutada a hipoteca e embargado o imóvel ao seu ex.

O juíz na sua resoluçom obrigara a Bankia a dar-se por satisfeita com a entrega do imóvel e no seu auto considerou "antisocial" ampara-la pretesom de Bankia de cobrar-se fundos da prestaçom por desemprego, com o que De la Hoz perdeu o juízo.

É claro que os seus intereses som defender aos seus, de feito só uns meses antes, no passado mês de junho, Raúl de la Hoz defendera os intereses de Bankia desde a area parlamentária ao se opôr a obrigar às entidades financieiras beneficiadas polo rescate (como Bankia) a renegociar as condiçons das hipotecas em processo de desafiuzamento. Durante o debate da proposta, De la Hoz considerara a mesma como "umha aberraçom" e sinalara que, de levar-se à prática, España ia-se converter numha "República Bananeira".

Raúl de la Hoz, nom é um qualquer dentro do organigrama do PP de Castilla-León, este advogado que segue ejercendo é o número 3 do PP nessa comunidade autónoma é Coordinador de Organizaçom do PP de Castilla-León, ostenta a portavocia para assuntos económicos nesse parlamentinho e tem um destacado papel no seno do partido, e no último Congresso do PP de Castilla-León celebrado em Maio De La Hoz fora o encarregado da redacçom da ponência que marcará as pautas que regiram a relaçom do PP com a cidadania.

Notícia redactada por Edu