França: Desalojos em Notre-Dame des Landes

Na França, desde há mais de 40 anos, campesinhxs da regiom de Notre-Dame-des-Landes, perto de Nantes, opom-se à construiçom dum aeroporto sobre essas terras. Em 2000, o projecto fora re-impulsado polo socialista e alcalde de Nantes Jean-Marc Ayrault, hoje em dia primeiro ministro francês. Durante os últimos anos engadirom-se à luita numerosos jovens do movimento “okupa”, do ecologismo radical e da rede europeia “Reclaim the fields” (exige o campo), que estám em contra da industrializaçom e da urbanizaçom acelerada da sociedade, e buscam o ressurgimento da vida colectiva no campo. Som já mais dum cento de pessoas as que se forom viver nesta zona ameaçada, ocupando casas abandonadas, construindo novas cabanas e criando hortas para resistir contra o projecto do aeropuerto.

Em 16 de outubro e durante tres dias, tivo lugar umha enorme operaçom policial na que participarom mais de mil elementos policiacos, com o galho de desalojar onze dos lugares okupados. Mas pese ao enorme despregue de forças, os moços e as moças em luita conseguirom até o de agora impedir o desalojo dalguns dos lugares ameaçados, entre eles a granja colectiva “Le Sabot”, inaugurada no ano passado por integrantes francófonos da rede “Reclaim the fields”, num ato multitudinário de recuperaçom de terra agrícola e de denúncia do projecto do aeroporto. Protegidos por barricadas e com um respaldo exterior que nom duvidou em carregar várias vezes contra os mesminhos granadeiros policiais, este lugar símbolo da resistência de Notre-Dame des Landes segue ainda resistindo às forças policiais.

O dia 18 os polícias tentaram também acabar com os campamentos de oponhentes estabelecidos em dous bosques da zona igualmente ameaçados de destruiçom polos promotores do projecto. Pero entanto a polícia concentrava-se nos lugares conflitivos, oponhentes aproveitaram esse momento para reokupar algumhas das casas desalojadas no dia antérior.

Em resposta à incursom policiaca e aos desalojos, multiplicarom-se as acçons e manifestaçons de solidariedade em toda França, desde a realizaçom de marchas e a colocaçom de mantas nas autopistas, até a degradaçom e a realizaçom de sabotagens em contra de VINCI, a empresa constructora, e do Partido Socialista, promotor do projecto de aeroporto. Mensagens de solidariedade com a luita de Notre-Dame des Landes começarom também a chegar desde várias partes do mundo, pero cabe mençonar que, pese à magnitude da operaçom e do ámbeto nacional da luita, os meios de comunicaçom franceses amosarom-se excepcionalmente silenciosos acerca dos acontecementos.

Copiado, traduzido e colado por Edu de resiste.squat.net

Informaçom completa dos sucessos com comunicados, fotos e vídeos (em castelám, italiano, francês ou inglês) na sua web resiste.squat.net

Agradece-se a difussom e convidam a enviar mensagens de apoio ao correio seguinte: zad@riseup.net pois dam um bo ánimo as compas resistintes.