Roi A. B. preso en loita, ganha recurso !!

Recebemos da AFAPP da Galiza esta comunicación ao respeito:

Roi A. B., preso que denunciara no ano pasado por torturas no cárcere de A Lama e que fora trasladado a Ourense cunha restricción de Vis a Vis por 6 meses coa súa nai e o seu fillo, ven de ganhar o recurso que apresentou contra esta medida ao estimar o xuíz que tal medida non tiña razón de ser.

Alegrámonos por esta pequena victoria que fan que a vida dos nosos compañeirxs sexa un pouco máis soportable.

En "Leer más" tendes acesso aos feitos denunciados por Roi o ano pasado

Roi en 4 de abril do ano pasado, presentara no Xulgado de Garda denuncia por torturas, maltrato e lesións na cadea de A Lama depois de que en 27 de marzo fora golpeado e arrastrado polo chan por varios funcionarios e sofrera feridas que precisaran puntos de sutura na cella esquerda, erosións graves na cara e hematomas nos pulsos e nocellos, e que fora, a posteirori, amarrado á cama polos pés e as mans e golpeado nas plantas dos pés e no estómago, permanecendo nesa situación 15 horas e que despois fora ingresado nunha cela de isolamento sen que fose visitado polo médico (ver notícia neste mesmo blogue acá).