[València] Home desesperado com um maço destroça umha sucursal bancária e agrede a polícias antes de ser detido.

Os feitos acaecerom minutos antes da umha do mediodia do dia 25 quando um home duns 50 anos, cliente descontento, segundo confirmarom fontes da entidade bancária, acudira a umha sucursal de SabadellCAM situada na rua Málaga de València armado com umha maça de obra de grandes dimensions. Tras reclamar o seu dinheiro aos encarregados do banco, o home que vociferava que os bancos arruinaram-lhe a sua vida, arremeteu a golpes contra tudo o que atopou ao seu passo destroçando a golpes diverso mobiliário no intérior, a porta de cristal da entrada e mais o caixeiro automático, o qual ficou totalmente destroçado. «É normal que se passen estas cousas, a gente desespera-se com os bancos e fam loucuras», assegurou umha testemunha.

«Depois de «desafogar-se», segundo descreverom as testemunhas, o home achegou-se a umha moça que estava na rua, na esquina da avenida Burjassot dando monstras de perfumes. «Perfúma-me», contou a moça que lhe digera para de seguido engadir «Se me ves na tele nom te estranhes, acabo de reventar um banco. Ficaram com tudo o meu dinheiro, arruinaram a minha empresa», a moça também declarou queo home «Estava pálido e levava na sua mão umha maça grande».

Além, quando ia a ser reduzido pola polícia ofereceu forte resistência e agredeu a dous dos agentes, quem tiverom que receber assistencia dumha ambulância mas finalmente nom requerirom ser transladados ao hospital.

Notícia redactada por Edu segundo informaçom de Mislata ContraInfos