Duas independentistas detidas em Narom e a imprensa comercial criminaliza

Recolhemos de vários meios alternativos o que até agora sabe-se destas novas detençons que tiverom lugar ontem sobre ás 11:00 da noite na súa morada em Sta. Icía (Narom).

Informa GalizaLivre que por volta das onze da noite desta segunda-feira, produziam-se as detençons e trataria-se dum moço e umha moça e que, sempre segundo a imprensa comercial, as detençons -obra de agentes especializados do CNP- seriam produto da operaçom desenvolvida polas forças policiais espanholas no dia 30 de novembro de 2011, e nom da que trouxo consigo as detençons do passado 16 de setembro.

Os falsimeios nom tenhem reparo em publicar os nomes completos destas pessoas, nem em atribuir a um dos detidos a tarefa da arrecadaçom de dinheiro destinado à comissom de açons ilegais, saltando mais umha vez por cima do elementar direito à presunçom de inocência.

Além em Artabra21 ademais ensinam, com bo tino, a Observación Geral Non. 32O do Comité de Direitos Humanos de Naçons Unidas ao respeito da presunçom de inocência e denúnicam que vários meios de comunicaçom nas súas ediçons digitais e impresas, fam desta obsevaçom do CDH de NU, 'caso omiso' pois condenam á companheira e ao companheiro, ás poucas horas das súas detençons, baseando-se tam só nas informaçons policiais que tenhem um profundo carácter político. Sem ter na conta o valor humano e trajectória destas dúas pessoas, comprometidas e solidárias, independentemente de se tenhem ou nom algum tipo de relaçom com as acusaçons que se lhes imputam.

Por CEIVARsoubemos de que as pessoas arrestadas som Júlio S.S e Sílvia C.S, vizinho e vizinha da localidade ártabra.

E apontam que como é habitual nestes operativos as garantias legais das pessoas detidas ficam suspendidas por mor da aplicaçom da lei antiterrorista, a começar pola incomunicaçom à que som submetidas desde o momento em que som arrestadas.

GalizaLivre notifica que, segundo puideram saber, depois de passar a noite em Ferrol, já forom deslocados e vam caminho de Madrid.

Vários meios falam de concentraçons, hoje 3ª feira 30, em diversas vilas e cidades galegas para amosar a solidariedade com as represaliadas, e de momento recolhemos estas:

Ferrol:
Concentraçom em solidariedade ás 20:00 na praça Amada Garcia diante da Xunta.
Ás 16:00 assembleia no C.S. Artábria
Ás 18:00 assembleia no Espaço Libertário

Vigo:
Assembleia solidaria ás 20:00 no C.S. A Revolta do Berbés
Quarta-feira, dia 31: Concentraçom solidária ás 20h diante do MARCO (Rua Príncipe)

Ourense:
Assembleia ás 18h no C.S. Sem Um Cam (Rua do Vilar, 9) e concentraçom solidária ás 20h na Praça do Ferro.

Já por finalizar colamos da nota de imprensa de Artabra21 esta nota pessoal:

Liberdade para Sílvia e Júlio, companheiros

Conheço Júlio desde que él era um novinho militante da AMI. Rapaz comprometido, inquieto, amante deste país, sempre disposto a dar a cara. A imprensa espanhola, tam veraz sempre, situa-o junto com a sua companheira Sílvia na cúspide dumha rede de financiamento dum suposto "grupo terrorista" que opera para a liberaçom nacional e social da Galiza. A "presunçom de inocência" já foi abolida e El País anuncia que detivérom um "chefe". Seja como for, muit@s de nos nom temos dúvida algumha de que nem Júlio nem Sílvia som "terroristas" e sabemos que qualquer actividade na que se encontrem envolvidos ambos terá sempre no seu cerne o amor por este povo que se resiste a render-se e desaparecer de todos os modos que lhe é possível.

Hoje e amanhá provavelmente se convoquem mobilizaçons e assembleias informativas nas principais cidades do País para dar conta da situaçom de amb@s. Utilizo esta rede de correio para animar à assistência às mesmas com independência do que cada quem poda considerar sobre as acusaçons que ventila a imprensa. A nossa preocupaçom nestes momentos é com a situaçom em que se podem encontrar Sílvia e Júlio sob o terrorífico regime policial da "detençom incomunicada".

Tenham-os onde os tenham, vaia desde aqui o nosso carinho, o nosso reconhecimento e a nossa solidariedade.

JÚLIO E SÍLVIA, LIBERDADE!
DEFENDER A TERRA NOM É DELITO!

Redactada por Edu