A falha de um mês para a celebraçom deste evento que se vai consolidando na Galiza, damos pulo à informaçom facilitada polo "Comité Olímpico", e ressaltamos que o prazo limite para a inscriçom conclui o 31 deste mês de agosto e que como novidade, por primeira vez as crianças terám as suas próprias Mini-Olimpíadas e haverá disciplinas novidosas:
Tal e como se publica no blogue OlimpiadasPopularesGalegas, fica convocada a IV ediçom das Olimpíadas Populares Galegas, que transcorrerám os dias 13 e 14 de Setembro na Canosa, O Rosal.
Nos próximos dias haverá informaçom adicional, com as disciplinas e os horários.
Entretanto, há abondosa informaçom no blogue sobre os objetivos das OPG e sobre as anteriores ediçons.
Se precissades um contacto para ampliar informaçom, podedes-vos dirigir o e-mail: olimpiadaspopularesgalegas@gmail.com
Um saúdo, o Comité Olímpico.
Além, colamos a informaçom publicada no seu blogue, até o de agora:
A cita desportiva anual dos movimentos sociais galegos desloca-se este ano até o Baixo Minho. A aldeia da Canosa, no concelho do Rosal, acolherá umha ediçom que se celebrará nos dias 13 e 14 de Setembro.
O Comité Olímpico, composto este ano por ativistas dos centros sociais do suroeste da Galiza, está a trabalhar na preparaçom de umhas OPG que aspiram a melhorar a participaçom dos últimos anos, que já rondárom a mui meritória cifra de vinte equipas e 200 atletas. Para isso estám-se a preparar algumhas novidades, tanto na parte estritamente desportiva como em todo o que as rodeia. Por exemplo, segundo adianta já o cartaz, por primeira vez as crianças terám as suas próprias Mini-Olimpíadas.
Nos próximos dias iremos subindo a este blogue toda a informaçom referida às OPG, incluindo a listagem de disciplinas olímpicas (nas que haverá várias novidades), os regulamentos de jogo, os horários, e também as fichas de inscriçom para as equipas.
Lembramos que para participar nas Olimpíadas Populares Galegas é preciso pertencer a umha equipa. As equipas poderám-se inscrever mediante a ficha que publicaremos nos próximos dias, mas olho!, o prazo limite para a inscriçom conclui este mês. Nom se vam admitir inscriçons fora de prazo, porque o C.O. necessita tempo para quadrar os horários e os cruzes nas competiçons.
Finalmente, animamos-vos a todas as organizaçons, coletivos, centros sociais, movimentos... a que formedes umha equipa e venhades ao Baixo Minho a esta jornada de convívio entre todos aqueles e aquelas que apostamos num lezer nom-consumista, saudável, ligado à terra e com espírito de irmandade.
A treinar toda a malta, que chegam as OPG!!
http://olimpiadaspopularesgalegas.blogaliza.org/
11 ago 2014
Suscribirse a:
Enviar comentarios (Atom)
No hay comentarios:
Publicar un comentario