[Italia] 3 novas detidas por ser activistas Non-TAV. Campaña de Solidariedade Internacional

Recibimos dunha leitora un correo con esta información (que traducimos):

O pasado 11 de Xullo rexistraron as casas e detiveron Francesco Sala, Lucio Alberti e Graziano Mazzarelli, tres xovens anarquistas que forman parte do movemento NON TAV* en Italia. Os dois primeiros foron detidos en Milano e Graziano en Lecce, no sur. Están acusados de fabricar e portar "armas de guerra e artefactos explosivos", e de dano, incendio e violencia contra a policía acusándoas de participar nunha acción contra as obras do TAV na noite do 13 ao 14 de Maio do 2013; acción pola que tambén están encerradas desde o 9 de Decembro Chiara, Claudio e Niccolò e Mattia en prisións alta seguridade por consideralas terroristas.

Unha vez máis o Estado golpea contra toda aquela persoa que cuestione o seu xeito de facer. A súa arma: a represión. Os detidos encóntranse no cárcere á espera de declarar esta semana. A partir de entón poderán ser trasladados aos cárceres de alta seguridade.

Dende aquí pedimos calquera tipo de apoio, accións e mostras de solidariedade coas compas de Italia. Calquera día poderemos ser nós. A continuación detallamos as direccións a onde se lles pode escribir:

Francesco Sala e Lucio Alberti
Casa Circondariale San Vittore
Piazza Filangeri 2
20123 Milano

Graziano Mazzarelli
Casa circondariale
Via paolo perrone 4
Borgo S.Nicola
73100 Lecce

Mattia Zanotti e Niccolò Blasi
Casa Circondariale
Via Casale San Michelle 50
15100 Alessandria

Chiara Zenobi
Casa Circondariale
Via Bartolo Longo 92
00156 Roma

Claudio Alberto
Casa Circondariale
Via Arginone 327
44122 Ferrada

* O TAV é un proxecto Europeo que consiste na creación dunha liña de alta velocidade dende Lisboa ata Kiev. É en 1995 cando no Val de Susa comeza unha importante loita en oposición á súa construción. En 2008 radicalízase a loita debido á militarización do val e a extensión do movemento por outras cidades de Italia.

Máis información en Abordaxe sobre este caso