Chamado a unha movilización internacional en solidariedade cxs presxs anarquistas do 23 ao 30 de agosto

No verán de 2013 os membros de varios grupos da C.N.A. (Cruz Negra Anarquista) discutiron a necesidade de introducir un Día Internacional de Solidariedade cxs Presxs Anarquistas. Ao igual que existen datas establecidas como o Día dos dereitos dxs Presxs Políticxs, ou o Día da Xustiza en prisión, pareceunos importante destacar tamén as historias dxs nosxs compañeirxs. Moitos anarquistas encarcerados nunca serán recoñecidos como “presos políticos” por organizacións formais de dereitos humanos, debido a que o seu sentido da xustiza social limítase estrictamente ás leis capitalistas que están deseñadas para defender o Estado e previr calquer cambio social real. Ao tempo, incluso dentro das nosas comunidades individuais, sabemos moi pouco acerca da represión noutros países, por non dicir que non sabemos nada, dos nomes e casos de moitxs dxs nosxs compañeirxs encarceradxs.

Por isto mesmo decidimos introducir unha semana anual para xs presxs anarquistas do 23 ao 30 de agosto. Escollemos o 23 de agosto como un punto de partida, porque nese mesmo día no ano 1927 xs anarquistas italianos Nicola Sacco e Bartolomeo Vanzetti foron executados en prisión. Foron declarados culpables de asasinar a dúas persoas durante un roubo a man armada nunha fábrica de zapatos en South Braintree, Massachusetts, Estados Unidos. O seu arresto foi parte dunha campaña anti-radical liderada polo goberno estadounidense. As probas do Estado contra os dous eran casi totalmente inexistentes e moitas persoas todavía cren hoxe que foron castigados polas súas fortes conviccións anarquistas. Dada a natureza e a diversidade dos grupos anarquistas de todo o mundo, propoñemos unha semana de acción común en lugar dunha soa campaña nun día específico, facendo máis fácil que os grupos sexan capaces de organizar un evento dentro dun horizonte de tempo. Polo tanto, facemos un chamado a todxs a difundir a información sobre a Semana de Solidariedade cxs Presxs Anarquistas entre outros grupos e comunidades e pensar na organización do evento(s) na súa cidade ou vila. Os eventos poden variar dende accións informativas, proxeccións, concertos benéficos solidarios e tamén acción directa. Deixa que a túa imaxinación voe libremente.
Áta que todos sexamos libres.
325
ABC Belarus
Brighton ABC
Bristol ABC
ABC Cardiff
ABC Czech Republic
ABC Finland
ABC Kiev
ABC Latvia
Leeds ABC
London ABC
ABC Mexico
ABC Moscow
Nizhny Novgorod antirepression group
ABC St.Petersburg