[A Corunha] Denúnciam a sete pessoas por revolver nos contentores de lixo

Recolhemos esta informaçom do jornal digital "Sermos Galiza", quem da conta de que a polícia local vem, nestes dias, de multar com 100 euros a sete pessoas que revolviam nos contentores do lixo, sob a escusa de que "deixam suja a contorna", que vem a constituir umha infraçom da normativa local do governo de Carlos Negreira (PP).

Sermos fai recolhida de diversas informaçons e apontam a que, em só dois dias a polícia municipal da Corunha -e nom é a primeira vez- denunciou a sete pessoas por rebuscar nos contentores, ao que aponta a assinante do artigo em Sermos, R.S.,: "probavelmente" na busca de comida.

As pessoas denunciadas foram interceptadas em diferentes pontos da cidade e tenhem diferentes idades que oscilam entre os 24 e os 45 anos. Um falsimedio local justificava nas suas nojentas páginas (ás que nom ligo pero sim traduzo) que: "essas pessoas foram requeridas para que se abstiveram de continuar com essa actividade, dado que a manipulaçom dos contentores, deixando o entorno sujo, está considerada umha infracçom contra a ordenança municipal de gestom de resíduos e limpeza urbana".

E isso se passa entanto as suas senhorias saem de paseio hipócritas com curas e palmas, saltándo-se, umha vez mais, a suposta acofensionalidade desta democracia á espanhola, donde alcaldes, ministros, concelheiros e deputados gostam de receber aplausos "fervorosos" do povo que os ama e vota. É claro que essas miseraveis ladroas do lixo municipal nom entram na foto do fervor religioso.

eDu