17 ene 2014

[Gamonal] O governo do concelho nom cede e o povo segue na luita. Recordatório de movilizaçons solidárias hoje na Galiza

Recolhemos esta informaçom de DiariodeVurgos, que segue a ser o nosso informativo de preferência à hora de fazer um seguimento desta luita vizinhal (e que voltamos a aconselhar às nossas leitoras). Além aproveitamos para lembrar as convocatórias solidárias programadas na Galiza para hoje sexta feira, venres, 17 (informaçom que podedes ampliar acá e acolá):

A Corunha.- ás 20:ooh na Praza do Obelisco (dentro da convocatória contra as leis fascistas)
Compostela.- ás 20:ooh na Praza do Toral
Vigo.- ás 20:ooh na Farola de Urzaíz
Lugo.- ás 20:3oh na Praza Maior

Hoje ás 9.30 horas, e tras umha marcha reivindicativa desde a Zona Zero, coincidindo com o plenário do concelho, tinha lugar a anunciada concentraçom fronte á casa consitorial para reivindicar o poder de decisom dum bairro achuchado pola crise e farto dos abusos especulativos que pretendiam esquilmar, ainda mais se colhe, ás suas habitantes.

Umhas 500 pessoas exigirom os tres pontos básicos que se aprovarom na Assembleia Geral (Paralizaçom definitiva das obras, Expulsom da polícia do bairro e Liberdade sem cárregos para as pessoas detidas). Berros de Lacalle vete já! forom acompanhados com acçons com lançamentos maciços de ovos á porta do edifício. Sobre tudo tras conhecer a notícia de que a equipa de governo segue nas suas e nom pretende para-las obras do Bulevar.

Despois, cara as 11.30 horas, tiverom lugar as reunions das comissons de trabalho e ás 12.00 derom passo á Assembleia Geral.

De momento os actos planejados para hoje som:

Concerto solidário a cárrego de grupos de rap do bairro na Zona Zero ás 17.00 horas.

Manifestaçom desde a Zona Zero cara comissaria e a sede de PROMECAL ás 19.00 horas.

Seguiremos informando.

No hay comentarios:

Publicar un comentario