6 feb. 2014

[A Coruña] Mañán Venres 7 as 14:00'.- Concentración das familias afectadas pola construción do Parque Ofimático

Reproducimos nota de Stop Desafiuzamentos A Coruña e defundimos.

As familias de Eirís-Castro de Elviña en risco de desafiuzamento por mor da construción do Parque Ofimático convocan novamente para mañá, venres 7 de febreiro, unha concentración ás 14.00hrs., embaixo do paso elevado que cruza a Avda. Alfonso Molina á altura da Igrexa de Eviña.

Nestas semanas nas que os pormenores da corrupción no Concello da Coruña están a ser coñecidos por toda a cidadanía, a situación destas familias, vítimas dun pelotazo urbanístico alimentado por tódalas formacións políticas ao longo das últimas lexislaturas, é unha mostra máis de como o poder político prima os beneficios económicos por riba do benestar das persoas para as que gobernan. Nunha cidade na que segundo os datos do último Censo de Poboación e Vivenda do Instituto Nacional de Estadística (INE) hai 19.283 vivendas baleiras (un 14,2% do total), que interese ten o Goberno local en que se constrúan 2.500 pisos máis?

Con esta nova concentración semanal, as familias en risco de desafiuzamento esixen ao Concello poñer da súa parte a vontade política necesaria para que as casas das familias ubicadas na marxe dereita da Avenida Alfonso Molina sexan desafectadas do Plan, así como para atopar dunha vez por todas unha solución para as familias cuxos fogares fican arestora rodeados de lama, charcos e escavadoras, no medio dunha explanada na que, sendo realistas, á vista da actual crise financieira e a cantidade de vivendas baleiras existentes na Coruña, é totalmente improbable que nos vindeiros anos se leve adiante o proxecto planificado.

STOP Desafiuzamentos A Coruña

No hay comentarios:

Publicar un comentario en la entrada