3 jul 2014

[Japom] Protestos da populaçom pela muda da política militar do Governo

Reproduzimos correio recebedo da ANA:

Apesar dos inúmeros protestos antimilitaristas da populaçom, o governo do primeiro-ministro conservador do Japom, Shinzo Abe, aprovou nesta terça-feira, 1º de julho, formalmente umha reinterpretaçom do artigo 9º da Constituinte, que permite pela primeira vez desde a II Guerra Mundial que as tropas japonesas possam ir em auxílio dos seus aliados - principalmente dos Estados Unidos - em caso de ataque por um inimigo comum, e mesmo que o Japom nom seja objecto de agressom.

Oposiçom popular

Nas últimas semanas registraram-se várias manifestaçons antimilitaristas contra estas medidas do governo de transformar radicalmente a política de segurança do país. Em 30 de junho, milhares de pessoas protestaram em Tóquio junto da residência do primeiro-ministro japonês. Durante o acto, organizado por umha coalizom de grupos e sindicatos, os manifestantes gritavam palavras de ordem como “No War”, "Ouve a voz do povo", "Nom destruas o Artigo 9º", “Nom Passarám”.

No domingo 29 de junho, um homem com idade entre os 50 e 60 anos, ateou fogo no corpo em umha das principais estaçons de Tóquio em protesto pela reinterpretaçom da Constituiçom.

No hay comentarios:

Publicar un comentario