Semella que a aceptación por parte de instancias xudiciais dun recurso pedindo a nulidade do xuízo concede un pequeno respiro ao Centro Social Okupado de Palavea, a piques do desaloxo policial ata o momento. Colamos de seguir o comunicado da asamblea da okupa explicando a nova situación (AQUÍ o orixinal no seu blog):
.png)
Primeiro dicir que, evidentemente, transgredimos o mandato da xuiza e continuamos realizando as actividades públicas que dan sentido a nosa okupación. Lamentablemente, o feito de poñer en lugar seguro gran parte do material da casa, unido aos preparativos para o desaloxo obligáronnos a recortar ostensiblemente a programación, axustando os horarios de apertura únicamente as actividades previstas.
Segundo, e quizais máis importante para satisfacer a curiosidade dos solidarios, que o desaloxo (ou, máis propiamente falando , desafiuzamento, posto que é un proceso civil) atópase momentáneamente paralizado debido a un recurso de nulidade prantexado na Audiencia Provincial. Esto, de seguir os cauces habituais nestes casos, podería deixar un marxe de un par de meses ou máis de relativa tranquilidade antes de coñecer o fallo. De todolos xeitos isto non é máis que un aprazamento transitorio que non fai se non dilatar un pouco máis a espera antes do inminente desaloxo.
Por todo isto convidamos aos rebeldes e solidari@s a permanecer atentos, posto que seguimos dispostos a loitar polas conquistas do pobo autoorganizado frente e a especulación capitalista; así como a resistir de xeito insumiso contra os envites da represión e da autoridade. O C.S.O.Palavea é e foi un espazo aberto a autoxestión e o desenrolo dos movementos sociais coruñeses así como de todolos espíritus disidentes e libertarios, e tod@s xunt@s imolo defender das poutas do capital.
O C.S.O. Palavea non se desaloxa!!!
Contra a especulación, okupación!!!
No hay comentarios:
Publicar un comentario