Dois dos Guardas Urbanos de Barcelona implicados na montagem do caso 4F condenados por torturas graves a um estudante.

O que som as coisas!! Tristemente em 27 de abril deste ano saviamos do suicídio de Patricia Heras, umha das 9 pessoas detidas e encausadas polos sucesos do 4F, no que um Guardia Urbano ficara em estado vegetativo tra-lo assalto a umha okupa de Barcelona, sob pretexto dumha festa “ilegal”. Patricia, durante o processo judicial pragado de irregularidades, sempre negara a súa implicaçom nos feitos, mas se passou 6 meses encarcerada e depois estivera em liberdade provisória à espera do juízo, que nom se celebrou até dois anos depois dos feitos, e foi quando Patri determinou quitar-se a vida antes que volver a prisom depois de ser condenada nesse juízo farsa a 3 anos.

Entre as amizades e familiares das detidas e nos medios alternativos sempre se mantivo a verssom de que todo era parte dumha montagem dos Guardias Urbanos, que ao nom poder atopar culpáveis, dado que o guarda fora ferido pola caida dumha maceta (como o mesminho alcalde Joan Clos declarara na altura em base às primeiras declaraçons da Guardia Urbana e que depois retificara) e como nom viram quem a tirara, decidirom cupabilizar dos feitos ás 9 jovens inculpadas, ao declarar que o golpe fora fruito dumha pedrada (dumha pedra que nunca apareceu), dado que as encausadas estavam a pê de rua ou mesmo nem sequer estavam no lugar dos feitos (como no caso de Patri e Alfredo). As 9 pessoas foram detidas e torturadas no quartel e 3 delas vejadas com tintes razistas (Alex, Juan e Rodrigo som de orige sudamericano) e, se bem, dois anos depois no juízo posterior nom se apresentou prova algumha na sua contra, a juíza do caso, Carmen García Martines, nom deixou declarar a testemunha algumha, nom deu por válidas as peritagens médicas que falavam de impossiblidade de que o golpe recebedo polo Guardia poidera ser fruito dumha pedrada tirada desde a rua, e assim participando activamente da montagem, condena a Rodrigo como autor material da pedrada sem intençom de matar a 4 anos e meio (depois sorprendentemente incrementados polo Supremo a 5 ), a Alex e Juan a 3 anos e 6 meses (estes 3 presos preventivos durante os dois anos passados antes de juízo) a Alfredo a 3 anos e 3 meses e a Patri a 3 anos, sentência esta última traduzida, na realidade, numha pena de morte.

Cabe sinalar a raiz do assassinato de estado de Patri, a rotundidade da carta escrita por Mariana Huidobro, mae de Rodrigo Lanza, quem ainda fica preso.

Pois bem, ao que ia, agora resulta que com o cruzamento dos números de placa que aparecem nos expedientes judiciais do caso 4F e dumha sentência condenatoria por torturas graves a um cidadá puido-se saber que som os mesmos agentes da Guardia Urbana de Barcelona os protagonistas de ambos casos.

Assim o Guardia Urbano Nª 24.751, Víctor Bayona Diedma, fora quem detivera aos quatro jovens que sairam da okupa e que foram posteriormente absoltos, e o Guardia Urbano Nº 24.738, Bakari Samyang Dávila, fora a principal “testemunha” acusatória contra os cinco condenados dol 4F, foi quem acusara a Rodrigo, quem vira “a trajectória da pedra”, quem montara umha “película” onde todas as detidas tinham o seu rol protagónico, e amparándose no seu uniforme, quem lograra com o consentimento e aprovaçom da juíza, que nove moços e moças fossem condenadas por delitos que nom cometeram.

Mas, nesta volta, aos guardias saiu-lhes mal a montagem, enfronte nom tinham a tres latinos e seis cataláns desherdados, e pese a que Yuri é estrangeiro, nom é um tirado, senom todo um filho de diplomático de Trinidad & Tobago, estudante em Barcelona de Administraçom de Empresas quando ocorreram os feitos em setembro de 2006.

Istos feitos polos que som condenados os dois guardias urbanos relaçonados com a montagem do 4F, sucederam quando o guardia urbano Víctor Bayona - medalha de bronce nos últimos campionatos para polícias celebrados em New York - estava a flirtear numha discoteca, sem éxito, com umha moça rusa, fazendo-lhe as beiras dizendo-lhe que era idéntica à tenista Maria Sharapova, mas esta fijo-lhe ver ao “machimam” que nom queria falar com el, ao que este energúmeno respondeu tocando-lhe o cu e chamando-lhe “puta”, ao que Yuri, amigo da jovem, decidiu acudir na ajuda da sua amiga e liou-se.

Yuri golpeou com um vaso a Bayona, mas foi imediatamente reduzido por cinco amigos deste -também polícias fora de serviço- e transladado à comisaria e lá, como represália pola bronca na discoteca, foi apaleado, vejado e humilhado polos seis polícias, se bem Yuri só puido reconhecer a Bayona quem deu-lhe patadas e punhadas e a um outro, o agente Bakari Samyang, a este por ser de pel negra, quem practica kick boxing e golpeara-lhe com um objecto contundente na cabeça, apagou-lhe um cigarro no hombro esquerdo, e mesmo amenazou-lhe com usar umha pistola para “ensinar-lhe um jogo”.

Além os agentes nom só torturarom a Sarran; também atribuirom-lhe falsos delitos, e no juízo posterior mentiram declarando que a desputa se iniciara, nom por umha moça, senom porque Yuri ofrecera-lhes hachís e lhes atacara quando ia ser detido.

Como digera, no caso desta sentència condenatória por torturas, o homem torturado, Yuri Sarran, foi a resultar ser filho dum diplomático e assim o tribunal do caso, considera “incrível” a versom dada polos agentes, dado que nom concibe que um estudiante “que recibia constantes transferências de dinheiro adique-se a vender hachís por 20 euros” e que o figera, ademais, “acudindo a umha discoteca com os seus companheiros de aula”, e se bem os policias tentavam implicar-lhe os delitos de tráfeco de drogas e de atentado à autoridade, a sentencia absolve a Yuri e só é condenado a 8 meses de cárcere por um delito de lesions por arrojar o vaso, e condena ao dois polícias que puido identificar Yuri a dos anos e tres meses de cárcere por delito de torturas graves e a oito anos de inabilitaçom absoluta.

Indo a sentência do caso, aos guardias além de torturas, poderiam-se ter-lhes imputados os delitos de denuncia falsa, simulaçom de delito e falsedade em documento público, pero se desestimaram só porque se entendem como incluidos nos feitos e porque as partes acusadoras nom acusarom em concreto distos delitos.

Isto quere dizer que os polícias sentenciados simularom um delito, falsiarom documentos públicos, figeram umha montagem, lesonaram e torturarom.

A credibilidade distos polícias é nula e agora cabe perguntar-se: Pode seguir Rodrigo no cárcere se a única prova na sua contra era a declaraçom distos polícias corruptos?

E além cabe dizer, com esta prova definitória: Podemos falar de assassinato ou suicidío assistido da Patri da que seriam culpáveis os dois guardias e a juíza Carmen García Martines??

Ou os polícias serám amnistiados em breves como se passou já noutros casos de polícias condenados que nunca pissarom prissom, o mais recente os mossos do caso Bikini Albert Fabregat, Juan Díaz e Mónica Fraile condenados em sentência firme por deter ilegalmente a um home e golpear-lhe e insultar-lhe em comisaria – caso famoso porque destapara os abusos policiais na comisaría barcelonesa de Les Corts e animara ao Departamento de Interior a instalar cámaras na sala de cacheios-, no que o Governo concedeu o indulto parcial e rebaixa as penas impostas polo Tribunal Supremo de tal jeito que, como digemos, nengum dos tres polícias terá que pissar cárcere algum.

Informaçom tirada de vários blogues, entre eles Grupo de Apoyo a Rodrigo Lanza (4F)

Outras notícias relaçonadas neste mesmo blogue:
- Suspenden permisos penitenciarios a un dos detidos do 4F por "antisistema"
- Carta da nai de Rodrigo Lanza, un dos detidos do 4F
- Patricia, presa do 4f, suicidase despois de 6 meses de prisión pola acusación do concello de Barcelona
- Carta aberta ao alcalde de Barcelona Jordi Hereu