Disturbios en Nápoles pola instalación do maior vertedoiro de Europa

Os veciños de Terzigno, en Nápoles, seguen dispostxs a loitar con quen sexa para evitar a apertura dun novo centro de tratamento de lixos na súa localidade. Un vertedoiro que, segundo os medios italianos, sería o maior de Europa.

A instalación do novo vertedeiro en Nápoles, no sur de Italia, derivou en disturbios e enfrontamentos na rúa a primeira hora.
Os manifestantes utilizaron petardos e pedras e prenderon lume a un coche da Policía, mentres que os axentes utilizaron gases lacrimóxenos para dispersar a centos de persoas que participaron ao longo da noite nos altercados, preto do centro de tratamento de residuos de Terzigno.
Cinco persoas foron detidas e outras tres resultaron feridas esta madrugada durante os enfrontamentos entre as forzas da orde e habitantes do barrio de Terzigno.
Varios camións de transporte de lixo foron incendiados, logo de que a tension explotara tras novos problemas para a recoleccion de centos de toneladas de lixo que invaden as rúas de Napoles.
E actualmente estes camións aceden ás instalacións escoltados pola policía ante as ameazas dos veciñxs.
Centos de toneladas de lixo permanecen nas rúas das aforas de Nápoles.

[extraído de varios medios comerciais]