Un outro asesinato de estado: José Antonio Vilasó Pardavila morreu tras o seu paso nos cárceres do estado español

Tras facer un seguimento do seu caso en Abordaxe, vimos de saber da súa morte por unha noticia publicada no portal de EsCULcA, e na que dan conta de que a adxunta segunda da Defensora del Pueblo, comunicoulles a abertura de dilixencias para arrecadar información sobre o incumprimento do C.P. de Mansilla de las Mulas ao respeito dá situación de José Antonio cando estivo preso neste penal e as penosas condicións de vida na enfermaria da mesma. EsCULcA presentara a queixa hai case un ano, en 11 de xuño de 2013, e nela demandaba a abertura de expediente a fin de constatar se foran vulnerados os dereitos fundamentais deste preso galego. Descoñecemos, de mmomento, as circunstancias e a data deste fatal suceso.

Apontan na noticia que (sic) "o caso de José Antonio, que acabou infelizmente en morte, desvela unha sinistra realidade que as institucións se empeñan en negar: as penosas condicións de vida e a desastrosa atención médica que reciben as persoas no interior dos cárceres do Reino de Espanha".

Ante o descoñecemento do fatal suceso, puxémonos en contacto con EsCULcA, por ver de que nos confirmaran o seu pasamento, algo que fixeron aos poucos e nos deron a referencia de que foi o seu avogado quen confirmara a mesma. Só lembrar que no CP de Mansilla fóralle denegada a liberdade condicional a pesar de padecer unha doenza terminal e era obrigado a permanecer em condicións extremas de isolamento a pesar de padecer SIDA e cancro linfático en estado moi avanzado, que o obrigaba a seguir un tratamento de quimioterapia.

Un outro asesinato mais do estado

Información sobre o caso en Abordaxe (por orden cronolóxico de máis novo a máis vello):

18/9/2013 - A "Junta de Tratamento" do cárcere leonesa de "Mansilla de las Mulas" obstaculiza a liberdade condicional de José A. Vilasó, preso com enfermidade terminal.

1/7/2013 - Agravase a situación de J.A. Vilasó Pardavila, preso galego enfermo e en aillamento no CP Mansilla de las Mulas (León)

17/6/2013 - A "Defensoría del Pueblo" admite a trámite queixa de EsCULcA sobre o caso de José Antonio Vilasó Pardavila

11/6/2013 - José Antonio Vilasó Pardavila, preso galego con doenza grave en folga de fame no CP Mansilla de las Mulas (León)

eDu
Leer más...

Mañán martes 1 de outubro.- Envío de faxes Campaña Cárcer=Tortura

As compas do Grupo de apoio á Campanha Cárcere = Tortura Galiza Sur lémbranos esta convocatoria mensual de apoio as persoas presas:

Coma todos os 1º de cada mes xs presxs da campanha Cárcere=Tortura fan axuns e folgas. Pra solidarizanos con elxs enviamos faxes aos xulgados de vixilancia penitenciaria pedindo mais defensa dos dereitos humans e o fin das torturas e os malos tratos.

Enviar un faxe non costa nada, e podese facer dende internet gratis, o link esta en http://afapp-gz.blogspot.com.es/.

Exemplo de fax:

"Al Juzgado de Vigilancia Penitenciaria de Pontevedra,

En la cárcel de A Lama se están practicando de forma sistemática torturas y malos tratos sobretodo a las personas clasificadas en Primer Grado como asi lo han afirmado las organizaciones en defensa de los Derechos Humanos.

BASTA DE TORTURAS Y MALOS TRATOS, BASTA DE AISLAMENTO Y DISPERSIÓN!!!"

Ademáis envianos o texto que se repartiu nos actos pola memoria dos ultimos fusilados polo franquismo en Vigo o pasado 27 de setembro que colamos á íntegra:

A REPRESIÓN E AS TORTURAS CONTINÚAN

Que mellor dia que no cabodano do asasinato dos últimos fusilados polo franquismo para lembrar a todxs aquelxs que están sufrindo nestes intres as torturas do estado.

Como aos loitadores antifascistas, no momento que estás a ler este texto, estanse realizando decenas de malos tratos e torturas que poñen os pelos de punta... Democracia, fascismo, nos cárceres da o mesmo... Os cárceres son centros afastados de miradas e da opinión pública, lonxe dos instrumentos xudiciais e da solidariedade, pero neles segue habendo moita xente que resiste, e incluso que protesta, contra os abusos de aqueles que, antes como agora, fan o que queren sen ter que dar explicacións, contra a inhumanidade de médicos que calan os golpes e as violacións, contra a corrupción dos xuíces de vixilancia penitenciaria que prefiren facer oídos xordos, e incluso condenar a aquelxs que defenden a súa integridade e a súa vida.

Dende outubro de 2011 decenas de presxs en todo o estado levan a cabo una campanha contra os malos tratos e a tortura en prisión. “Cárcere = Tortura” é o berro de presxs en todo o estado para parar a impunidade na que se atopan carcereirxs, médicxs, xuíces, traballadorxs sociais, etc.

Fan xaxúns e folgas todos os 1º de cada mes, fixeron denuncias conxuntas ao congreso dos deputados, solidarízanse con aquelxs que máis están sufrindo nos cárceres, debaten e difunden a loita contra as torturas... Por suposto, a represión por esta loita non tardou en aparecer, e aumentaron os malos tratos.

NOVAS BREVES DA LOITA CONTRA OS CÁRCERES:

- Queren condenar á presa galega Noelia Cotelo a 6 meses máis por denunciar a súa violación e tortura por parte dos carcereiros da prisión de Brieva despois dun xuízo sen garantías e sen avogado.

- Parabéns ao preso da Campanha Cárcere= Tortura en Teixeiro que saiu libre en agosto e continuará na campanha dende fora.

- J.Manrique, preso en loita (C. P. Brians), liberado fai uns meses por enfermidade terminal, morreu en setembro. A pesar da gravidade da súa enfermidade mantivo un enfrontamento directo coa prisión ata a súa morte. DEP.

- Continúan pedindo a liberdade do preso galego J.A. Vilasó Pardavila, preso no cárcere de Mansilla de Mulas onde, a pesar da súa enfermidade incurábel, o manteñen en illamento por loitar.

- Conseguido o traslado do preso galego anarquista Gabriel Pombo da Silva a Galiza. Dende Xulho atópase no cárcere de A Lama, despois de anos fóra da súa terra en cárceres de Alemanha e Espanha

- Solidariedade cxs presxs independentistas condenadxs salvaxemente pola Audiencia Nazional

- Imputado un médico do cárcere de Bonxe tras falecer un preso, por presuntos delitos de neglixencia médica e omisión do deber de socorro co resultado de morte

- Despois de 60 días, suspenden a folga de fame contra o illamento nos cárceres de California.

- O 10 de setembro comenzaron as movilizacions dxs presxs da Assemblea di lotta "Uniti contro la repressione" nas cadeas de todo o estado italiano contra os malos tratos e as torturas convocadas ata o 30 deste mesmo mes.

ATA QUE TODXS SEXAMOS CEIVES

ENVIO DE FAXES AOS XVP CONTRA OS MALOS TRATOS E A TORTURA CADA 1º DE MES
Vindeira data: martes 1 outubro

Fax XVP Pontevedra: 986 80 51 41

Mais info sobre loitas anticarcerarias en :

http://afapp-gz.blogspot.com.es/
http://boletintokata.wordpress.com/
http://carceligualtortura.blogspot.com.es/
http://www.ceivar.org
http://www.nodo50.org/cna/
http://puntodefuga.org/

Grupo de apoio á Campanha Cárcere = Tortura Galiza Sur noestansolxs@gmail.com



Leer más...

A "Junta de Tratamento" do cárcere leonesa de "Mansilla de las Mulas" obstaculiza a liberdade condicional de José A. Vilasó, preso com enfermidade terminal.

Recolhemos esta informaçom de BoletinTokata:

Mediante auto de 8 de julho de 2013 o Julgado de Vigiância Penitenciária de León concedera o terceiro grado ao preso José A. Vilasó, ordenando o seu ingresso numha instituiçom ajeitada −com mençom explícita do oferecemento do Comité Cidadá Anti-Sida de Ourense− e a tramitaçom do seu expediente de liberdade condicional.

Entre tanto, em 18 de julho a "Junta de Tratamento" de Mansilla de las Mulas denegou a sua liberdade condicional pola "sua trajectória delictiva e a alta possibilidade de delinquir".

Mediante escrito de 12 de agosto, o seu advogado defensor denunciou o incumprimento da "Junta" do ordenado polo Juíz e solicitou a concessom da liberdade condicional por enfermidade terminal, o que produjo a providência de 22 de agosto no que o Juíz ordenava ao Centro Penitenciário a remissom de informes.

Até o de agora, e a pesar da evidente urgência do caso e da apresentaçom de dois escritos denunciando as dilaçons do procedemento, istos informes nom forom remitidos.

Máis informaçom em Abordaxe sobre a situaçom de José A. Vilasó (acá)
Leer más...

Agravase a situación de J.A. Vilasó Pardavila, preso galego enfermo e en aillamento no CP Mansilla de las Mulas (León)

Recollemose traducimos de Boletín Tokata

J.A. Vilasó Pardavila, que continua en réxime de illamento encubrido no cárcere de Mansilla de las Mulas a pesar das numerosas protestas que provocou a súa situación, é vítima de numerosas represalias, entre elas a supresión do translado en ambulancia nas saídas ao hospital, o cal repercute negativamente no seu estado de saúde, xa moi grave.

Vilasó Pardavila, que, despois de ser recluído na chamada Zona Cero da enfermería en represalia por dar un par de bicos a unha coñecida con que topou no cárcere, emprendera unha folga de fame a pesar da grave enfermidade que padece (VIH e cancro linfático) en defensa dos seus dereitos tivo de abandonar a protesta e aceptar recibir medicación debido ás dores insoportabeis que sofre.

Mentres, a dirección do centro, indiferente ao sufrimento do preso e ás numerosas mostras de protesta que diversos colectivos dirixiron aos responsables de tan grave situación, aplica unhas severas medidas punitivas coas que endurece as xa de forma extrema dificiles circunstancias en que se encontra o Sr. Vilasó.

Entre elas, a imposición de numerosas sancións e a decisión de suprimirlle o translado en ambulancia nas saídas ao hospital, o que lle que provocou, entre outras cousas, danos no catéter que instalou na clavícula como resultado dos golpes contra o vehículo a causa das freadas e bandazos da furgoneta e da caída no interior doutros internos cos que compartía a viaxe.

Segundo diversas fontes, os propios servizos médicos da prisión denunciaron no seu día xunto de Institucións Penitenciarias e o xuíz de vixilancia penitenciaria a abertura desta chamada "zona cero" dentro da enfermeria.

Noticias anteriores deste caso en Abordaxe

Leer más...

A "Defensoría del Pueblo" admite a trámite queixa de EsCULcA sobre o caso de José Antonio Vilasó Pardavila

Días atrás informaramos da presentación desta queixa ao respeito da folga de fame que comenzara o compa no cárcere de Mansilla de las Mulas para protestar polas duras condicións de illamento a que está sendo sometido a pesar de padecer SIDA e cancro linfático en estado moi avanzado e que o obriga a seguir un tratamento de quimioterapia (aquí), agora damos conta nesta nova entrada da admisión a trámite de dita queixa, segundo información da propia EsCULcA (acá) da que recollemos o seguinte:

Con data de saída 11/06/2013, Concepció Ferrer i Casais, Adjunta Segunda del Defensor del Pueblo, notificou a EsCULcA a admisión a trámite da queixa presentada ese mesmo día en relación con o inxustificábel réxime punitivo aplicado a D. José Antonio Vilasó Pardavila, interno no C.P. De Masilla de las Mulas (León) que padece doenzas graves, ademais notifica asi mesmo o inicio de actuacións conducentes ao esclarecemento dos graves feitos denunciados.

Vilasó Pardavila, como xa comentamos neste blogue de Abordaxe (aquí) decidira comezar a sua folga de fame en protesta por ter sido confinado en soidade na propia enfermaria na que recibe tratamento debido ao cancro linfático que padece e por se lle ter limitado seriamente as comunicacións e as horas de patio en castigo por ter dado dous bicos a unha persoa coñecida coa que se encontrou no recinto penitenciario.

Veremos en que fica isto (seguiremos informando)

eDu
Leer más...

José Antonio Vilasó Pardavila, preso galego con doenza grave en folga de fame no CP Mansilla de las Mulas (León)

Colamos da web de Esculca, que ven de apresentar queixa a "Defensoría del Pueblo" (acá e acolá):

José Antonio Vilasó Pardavila, preso galego actualmente interno no Centro Penal de Mansilla de las Mulas, en León, iniciou unha folga de fame para protestar polas duras condicións de illamento a que está sendo sometido a pesar de padecer SIDA e cancro linfático en estado moi avanzado, que o obriga a seguir un tratamento de quimioterapia. Afirma preferir a morte antes de unha vida sen dignidade.

A pesar da súa extrema gravidade, tanto a Xunta de Tratamento do penal como o Xulgado de Vixilancia Penitenciaria de León, parecen ignorar estas circunstancias. A primeira, coñecida como unha das mais implacábeis do estado español pola dureza das medidas que aplica aos internos do penal, denegou a solicitude de excarceración por doenza terminal de Vilasó Pardavila alegando perigo, encanto o Xulgado demora inxustificadamente a resolución do recurso presentado contra tan despropositada negativa.

A todo isto súmanse agora a decisión do Centro Penitenciario de o trasladar a un departamento especial dentro da propia Enfermaria denominado "Zona Cero". Como a lei prohibe aplicar a doentes graves o réxime de illamento, o C.P. transladou o interno a este departamento para poder sometelo a un réxime de vida equivalente, con limitación de saídas ao patio (apenas dúas horas ao dia e en solitario) e restrición de comunicacións. A xustificación alegada para tomar tan drástica medida foi o interno ter dado dous bicos a unha coñecida o pasado 7 de xuño. Acción, ao parecer, prohibida (sic).

Convén lembrar que o pasado 3 de Abril o Parlamento Galego debateu en comisión unha Proposición non de Lei sobre a situación penitenciaria de persoas con arraigo na Galiza en que, entre outras cousas, se reclamaba que estas persoas pudesen cumprir condena en cárceres do país para evitar agravar o seu sufrimento e o da súa contorna afectiva.

En protesta pola situación de isolamento a que é sometido, Vilasó Pardavila iniciou unha folga de fame e rexeita todo tipo de medicación. Afirma preferir a morte antes de unha vida sen dignidade.

Colectivos solidarios solicitan se envien faxes ou mails interesándose polo seu estado e reclamando que sexan tomadas medidas urxentes para a súa excarceración, a mais urxente o cesamento inmediato do réxime de illamento e o translado ás dependencias comuns da enfermaria.

Centro Penitenciario de Masilla de las Mulas (núm. 987877410)
Xulgado de Vixilancia Penitenciaria nº 3 de León (núm.987895176)
Defensora del Pueblo (registro@defensordelpueblo.es) Tfn. 24 horas: 914327900

Ademais como diziamos ao principio EsCULcA apresentou queixa xunto da Defensoría del Pueblo pola situación na que se atopa e demanda a abertura de expediente a fin de constatar se foron vulnerados direitos fundamentais e o cesamento imediato do rexime de isolamento a que está sometido na actualidade.
Leer más...