"Santiago de Corruptela" Campanha denúncia da corrupçom

Um grupo de gente vizinha de Compostela e mais que farta dos níveis de corrupçom que atingem à corporaçom municipal deste concelho e que lixam a imagem da nossa cidade, vem de fazer pública na sua web esta convocatória dirigida á cidadania da capital galega porque, como dim: "Sentimos a necessidade de trasladar o nosso grau de indignaçom ao resto da cidadania de Compostela e através desta campanha queremos animar-te a que colabores e participes connosco: cola este cartaz na tua janela e convence aos teus colegas e vizinhos a fazer o mesmo. Nom sejas cúmplice da sua impunidade, di-lhes que estás farta".

Na web, no apartado "cronologia" podes informar-te de todas as pessoas da corporaçom municipal que estám implicadas na Pokemon e os delitos que se lhes imputam, além de manter-te o dia das notícias mais importantes que vaiam saindo à luz.

Assim venhem de publicar neste apartado notícias, que em, 24 de abril, várias pessoas do grupo anticorrupçom “Santiago de Corruptela.info” acudiram ao Plenário Ordinário do Concelho cunha indumentária particular: Camisolas amarelas com desenhos de Pokemon. Nesse acto de denúncia, viu-se como o nervosismo enchia a cara do alcaide Ángel Curras e dos regedores e regedoras. Lógico, dado que a imensa maioria deles e delas estám baixo imputaçom judicial por corruptelas várias. Tinham a sensaçom de que a sociedade estava anestesiada e que, de tam frequentes, as corruptelas já eram consideradas “normais”. Ontem vimos como ao alcaide e concelheiros se lhes congelava o sorriso cínico. Que saibam que desde ontem, a dignidade vestida de amarelo vai perseguí-los ali onde forem. O nosso é um grupo cidadão aberto que nom só procura a demisom das pessoas imputadas e processadas por corrupçom que degradam o nosso concelho. Tamém elaborará uma série de medidas pola transparência e contra a corrupçom que deveriam ser adoptadas polo resto de partidos políticos, se é que nos querem convencer de que som entidades limpas. Já veremos se estám à altura.

Fartas de tanta Corruptela! Amossa a tua indignaçom!

Consegue o teu cartaz para colar na tua janela na seguinte manifestaçom em Compostela. Também podes descarregá-la de aqui e imprimi-la tu mesma.

Contacto: santiagodecorruptela@gmail.com