A Audiencia Nacional condena a 2 anos de cadea o rapeiro Pablo Hásel

Colamos esta información (traducida) de KaosEnLaRed , onde recollen as opinións de Pablo ante dita sentencia:

Comunicado de Pablo Hasel:

Estaba cantado, querían dar un castigo exemplar e condenáronme a 2 anos de prisión por facer cancións, o que pedía a fiscalía, non rebaixaron nin uns meses para lavarse a cara. Non entro esta vez a falta de antecedentes penais pero á mínima me como os 2 anos e o que me caia sumado. O 29 deste mes teño outro xuízo denunciado polo PP por supostas ameazas e ataque á súa sede, se o pasan polo penal entrarei en prisión seguro. Non só condenáronme a 2 anos para asustar a outros mozos, tamén para botarme para atrás na miña militancia. É o seu último aviso: se non te acovardas á próxima entras. Non lles abondaba con ter rexistrado o meu domicilio levándose multitude de cousas nin con terme detido un día, esas bestas fascistas non teñen escrúpulo ningún se de represión se trata.

Para colmo, decateime pola prensa, nin sequera me chamaron, nin sequera me enviaron unha carta, nin sequera llo comunicaron antes ao meu avogado. Teño que decatarme pola prensa burguesa e manipuladora da condena. Para colmo, seguen mentindo dicindo que apoio a Al Qaeda cando no xuízo quedou demostrado que era totalmente falso, pois se algo fixen nas miñas cancións é denunciar que serviu a intereses imperialistas e que eu non apoio atentados contra inocentes ou organizacións anticomunistas como Al Qaeda. Pero poden acusarte de cousas tan graves sen recibir castigo ningún, fano para criminalizar e intentar deixarme como un monstro para que a opinión pública pense que o merezo.

Só me tería librado dunha condena así, deixarme levar polo camiño ao que me quería levar a fiscal, o da condena da autodefensa armada. Pero antes morto, xa lle recordei que como comunista falo nas miñas cancións da loita armada da que tanto falaron os clásicos do marxismo, o Che, etc. Acaso deixan outro camiño para rematar coas inxustizas, co xenocidio diario de inocentes que supón o capitalismo? Son eles os que impoñen a tiranía inxusta coas armas. Non me perdoaron que lles recordase que non poden dicirme a quen admirar ou non, que se quero respectar ao PCE(r) ou aos GRAPO, fágoo. Non me perdoaron que lles dixese que non poden obrigarnos a sentir pena se un opresor recibe un castigo. Acaso eles non se alegrarán se mañá asasinan un dos nosos? Este Estado é tan pouco democrático que nos quere controlar ata as emocións, que nos nega ata nos desafogar coa palabra ante todo o que nos fan a nós e aos nosos.

Están nerviosos porque cada vez máis pobo toma conciencia e como as miñas cancións conseguiron facer pensar moitos rapaces ou denunciaron a situación dos presos políticos que intentan ocultar, tiñan que atacar aínda que así o único que conseguen é que máis persoas se decaten da falta de liberdades alarmante e poñerme máis as pilas na Resistencia. O mesmo sucede con outros tantos xovens que sofren a brutal represión por esixir dereitos que ata a súa podre constitución promete. A miña detención e esta sentenza forman parte da campaña de terror que queren levar a cabo para afastar a xuventude da loita.

Queda de sobras demostrado que neste Estado, cuxa Audiencia Nacional que me condenou é herdanza do franquismo, só a dereita ten liberdade para dicir o que lle vinga en gana e máis. Cando nós pasamos liñas molestas para o poder, acúsasenos de apoloxía ao terrorismo ou de terrorismo directamente. Bispos dicindo que os homosexuais son enfermos, que as mulleres violadas ían provocando ou protexendo pederastas? Reciben diñeiro público. Nazis collidos con lanzagranadas, machados, pistolas e demais armas? Non pisan prisión, son concelleiros de partidos nazis. Homenaxes a Franco na TV ou pepeiros en homenaxes á división azul? Son chamados demócratas. O P$OE axilizando desafiuzamentos ou apoiando guerras imperialistas? Máis do mesmo. Racistas pedindo por twitter que se asasine inmigrantes e celebrando cando son asasinados? Protexidos pola policía cando se manifestan. Poderiamos pasar horas poñendo exemplos tan lamentables. Non obstante, protestar con firmeza contra iso está penado con prisión.

Cabe recordar que isto non foi só unha condena contra Pablo Hasél, foi unha condena contra a liberdade de expresión, non fai falta compartir ao 100% as miñas ideas nin que te guste a miña música para solidarizarte, ese non é o asunto. Mañá poden ir a por ti se protestas polos teus dereitos, se berras alto contra as inxustizas e contra os que se lucran a custa destas.

Di o xuíz para xustificar a condena que as miñas cancións incitan ao odio. Non, as miñas cancións incitan ao amor os oprimidos, é dicir, á inmensa maioría da humanidade. Pero como dicía o Che: "Máis forte que o amor á liberdade é o odio cara aos que nola quitan". O único odio que teñen é o que nos obrigan a sentir, o que responde ao seu odio á humanidade. Eu incito ao odio contra o inxusto e orgulloso, eles incitan ao odio ao xusto, hai unha clara e gran diferenza. Tamén di nun acto de infinita hipocrisía que a liberdade de expresión ten límites, pero volvemos ao de antes, só para a esquerda. Xa lles dixen no xuízo que xamais condenarán os que falan de apuñalar inmigrantes porque para eles non son vítimas os pobres, só os seus amigos opresores.

Agradezo as mostras de solidariedade e volvo recordar que os xuízos non poden aniquilar a loita pola dignidade. Seguramente acaben encerrándome en prisión como a tantas loitadoras máis, pero xamais rematarán con estas xustas ideas e non me cabe dúbida de que tarde ou cedo venceremos e xa ninguén volverá ser condenado por berrar a crua realidade.

CONTRA A SÚA REPRESIÓN NIN UN PASO ATRÁS!
SE NOS TOCAN A UN TÓCANNOS A TODOS!
LIBERADE PRES@S POLÍTIC@S!

Pablo Hasel