27 mar. 2014

[Medina del Campo (Valladolid)] Sábado 29 Xornada de actos contra os fascistas de "Democracia Nacional"

Recibimos de compas de castela esta convocatoria de repulsa veciñal á presencia do lider deste partido fascista DN, Manuel Canduela, quen ten previsto realizar unha homenaxen floral ás 12 da mañán á unha estatua de Isabel la Católica ubicada na praza maior de Medina del Campo e pola tarde unha charla ás 19:00' nun "centro civico" desta vila con o mesmo nome da raiña que montaba tanto como seu home e que pasou a historia popular como a guarra que nunca mudaba de camisa, actos que anuncian os fascistas na súa web e que poden verse na foto adxunta.

Ante semellante acto, un grupo de individualidades está a repartir pola vila esta informacion, que colamos (traducida):

Non son democratas, son fascistas

Fronte á futura candidatura presentada nalgúns medios de comunicación locais polo partido neonazi Democracia Nacional, a cidadanía de Medina que cremos na tolerancia e na liberdade, a marxe de partidos políticos dun ou outro signo, expresamos o noso maior e máis profundo rexeitamento a esta agrupación racista e xenófoba. A pesar das suas mensaxes populistas e demagóxicas non conseguirán ocultar o que realmente se agocha tras esas siglas.

Isto non é unha opinión dun grupo de difamadores, non. Son feitos ou sentencias que respaldan esta acusación, como a da xuíza María Teresa de la Asunción Rodríguez do Xulgado de primeira instancia número 33 de Madrid, quen sentenciou: «conforme ás probas practicadas e as manifestacións dos propios membros do partido, son eles os que dan a visión ao resto da sociedade de ser un partido de ideoloxía Nazi».

Son agresións que perpetraran afiliados á agrupación á que facemos referencia e polas que foron xulgados. Son asasinatos por motivos ideolóxicos (como o de Carlos Palomino ou Guillem Agulló) os que mancharan de sangue as proclamas desta agrupación e dos que non poden renegar porque hai sentencias firmes nas que se lles declara culpábeis.

Non podemos permitir que en Medina se de cobixo a semellantes criminais neonazis, que as súas mentiras e distorsións da realidade teñan eco en medios locais que din ser respetábeis. Non é tolerábel que o grupo de “información periodística” composto por TeleMedina Canal 9, La Voz de Medina e Onda Medina realizara longas entrevistas, con unha pretendida inxenuidade,
sen o minor compoñente crítico e un marcado carácter de plataforma divulgativa, a membros de Democracia Nacional.

A última destas entrevistas foi a realizada a Manuel Canduela, quen dirixe o partido político, obviando a súa longa traxectoria de ultradireitista como a súa militancia en Falange e Acción Radical (agrupación valenciá neonazi) e a súa participación no grupo de música División 250, coñecido polo seu marcado carácter tambén neonazi. Por se fose pouco, este individuo viuse involucrado en diversos procesos xudiciais e condenado polas súas accións criminais. Só hai que tirar de hemeroteca para descobrir a verdadeira faciana desta xente: traen ás súas charlas a membros do Ku Klux Klan, están irmanados con partidos xa ilegalizados como Mencer Dourado na Grecia, con membros detidos por homicidios e terrorismo e niegan crimens contra a humanidade como o Holocausto.

Non permitamos que ensuxen a nosa vila con as súas mentiras e a súa máscara de “transversais” e democráticos. Non permitamos que tiren beneficio da crise e da desinformación.

Rulade esta información con familiares e coñecidos.
Infórmate pola túa conta. Se desexas contactar con nos e opoñerse a istos xermens fascistas podes facelo no seguinte enderezo de correo electrónico: medina_contraelfascismo@riseup.net

Durante o día se desenviolverá unha xornada de actos, se estades interesad@ escrebede ao mail de arriba

No hay comentarios:

Publicar un comentario en la entrada