[Barcelona] Reivindican o ataque á libraría neonazi Europa no Indy Barcelona.

Colado por "no passaran" no IndyBarna, reproducimos, unha vez traducido, este Comunicado:

Con este comunicado asumimos a responsabilidade política polo ataque contra a libraría Europa levado a cabo ás 10.30 h do pasado martes 11 de marzo. Se tras a recente ondada de asaltos a centros sociais, detencións, e encarceramento de antifascistas por parte do Estado, alguén pensaba que o campo quedaba despexado para o paso do fascismo en Barcelona, coa acción do martes deixamos claro que se equivocaba.

Os saloucos victimistas difundidos polo nazi Varela como reacción ao noso ataque (expresados na forma dun hipócrita discurso contra a "violencia da esquerda") non nos sorprenden, posto que conectan co lavado imaxe xeneralizado que intentan levar a cabo en distinto grao todos os grupúsculos do fascismo español, arrastrando pateticamente polo chan os seus verdadeiros principios para mostrarse ante o público baixo o máis presentable aspecto do populismo xenófobo democrático. Pero malia todos os intentos de maquillaxe política, a cantilena victimista e demócrata de suxeitos como o que rexenta a libraría Europa, directamente vinculada coa comunidade de nazis do exército de Hitler retirados no Estado español tras a Segunda Guerra Mundial (Otto Skorzeny, Leon Degrelle), sempre soarán estridentes e ridículas en oídos minimamente informados.

O fascismo expresa o seu ADN violento non só cando historicamente adquire a forma de Estado totalitario, aniquilando mediante o terror ás minorías que se lle opoñen, senón tambén nas súas formas actuais de grupúsculo político ou de cuadrilla, levando a cabo agresións brutais contra os que consideran os seus obxectivos. Agresións que só no Estado Español causaron numerosos feridos graves e mortos: Carlos (2007), Roger (2003), Guillem Agulló (1993), Lucrecia Perez (1992)...

Fronte a estas agresións, e fronte aos intentos de impoñer un proxecto político baseado na exacerbación e institucionalización destas agresións, a diferenza dos seus autores nós non ocultamos a nosa determinación para actuar de forma contundente. Non imos deixalos pasar. Non deixaremos que intoxiquen os nosos barrios e as nosas vilas co discurso doado da "unidade nacional" e o "odio ao estranxeiro", aproveitando o contexto de crise para gañar cotas de poder a custa de cargar aínda mais violencia e presión sobre a clase traballadora emigrante. Aquí como en calquera lugar de Europa, aquí en Barcelona como en Vallecas, Paris, Keratsini ou Hellersdorf, o inimigo é o mesmo: o sistema capitalista que devastou as nosas condicións de vida en nome "dos Mercados", e o seu subproduto reaccionario, os fascistas que queren levar aínda mais lonxe o autoritarismo e a brutalidade dos Estados.

Por iso, porque somos conscientes dos tempos que nos toca e nos vai tocar vivir, non podemos senón estrañarnos ante a actitude de quen por un lado critica a acción directa contra os nazis de hoxe en dia, e por outro se leva as mans á cabeza vendo documentais históricos sobre as ditaduras europeas dos anos 30, mentres se pregunta "Como é que ninguén fixo nada?".

Barcelona, 13 de marzo do 2013