25 feb. 2014

[Ferrol] Xoves 20 ás 09:15' .- Concentración em apoio ao juízo a 3 militantes independentistas por expropiaçom dumha faixa publicitária.

Colamos de CEIVAR:

No passado 21 de julho de 2013, F.M., M.M.A., A.E. expropiárom umha faixa publicitária dumha empresa que desrespeita os direitos dos trabalhadores para po-la a disposiçom comum. Nesse intre fôrom detidos pola Guardia Civil, conduzidos aos calabouços do quartel de Canido (Ferrol) e acusados dum suposto delito de “roubo com força”.

Intento de infiltraçom

Umha semana depois dos factos relatados, a Guárdia Civil ligou para A.E. citando-o novamente no quartel de Canido para responder por uns camions que apareceram queimados. Quando A.E. chegou às dependências armadas, comprovou que o objetivo da cita era tentar tirar-lhe informaçom sobre a militância de F.M., M.M.A. e sobre o movimento independentista em geral. A.E. negou-se a achegar qualquer tipo de dado e por isto foi objeto de ameças tais como que o iam levar preso nesse mesmo intre.

Minutos depois chegou o “póli bom” que convidou a A.E. a um café para oferecer-lhe benefícios se colaborava com eles. A.E. marchou do sítio e o guárdia civil de à paisana dixo-lhe que nos vindeiros dias se iam por em contato com ele “por se o pensava melhor”. O telefone de A.E. soou em várias ocasions mas o militante independentista rechaçou as chamadas

Concentraçom solidária

O juízo polo “roubo com força” será nesta quinta feira (dia 20) e solicitam 2.000 euros de multa para cada um dos imputados.

Dia: 20 Fevereiro
Hora: 09:15
Lugar: Julgados de Ferrol

No hay comentarios:

Publicar un comentario en la entrada