11 feb. 2014

As numerosas mentiras e falsidades de "Cuco" Fdez de Mesa, director da Guarda Civil

Conhecim na minha adolescência as aventuras e desventuras deste filho de boa família ferrolám, que destacava em... (nada??). Bom dizer que nom destacava em nada é dizer pouco, pois as suas fazanhas na altura (e estou a falar de mediados dos 70, quando a morte de Franco e a falsa transiçom á democracia, quando o "Cuco" andava nos seus 20 e poucos anos) além de ir de caça de moças minores de idade da "alta sujidade ferrolá" consistiam em ir de franquista de camisa azul, amigo de correagens, de punhos de ferro e de bronca perseguindo e vapuleando ‘rojos’ minores de idade e em connivência com as forças policiais. Despois abraçaria a linha política do seu mentor Manuel Fraga nas Juventudes de Alianza Popular (despois PP) e seguiria formando parte do grupo de matons da ultradireita ferrolá. Mas o seu salto à fama primeiro como Delegado do Governo na Galiza quando o afundimento do "Prestige" e despois ao ser nomeado director da Guarda Civil dera pê para que vários e variados sites da rede deram conta do "curioso curriculum" que apresentara o "Cuco", cheio de mentiras e falsidades como um mundo, dado que nunca foi um bo estudante (de feito eu lembro que quando tivem conhecemento de-le e contava com uns 20 e pico anos, nom fazia absolutamente nada, deixara estúdios por ser incapaz e vivia das rendas familiares sem dar palo ao água). Como di um comentarista ao respeito do curriculum, lembro umha frase dum inimigo de seu no PP: "Arsenio Fernández de Mesa es un tipo que lee un versículo de la biblia y, cuando la cierra, dice que es teólogo".

Este elemento é quem vem de dizer agora que todo o assunto do assassinato dos migrantes (alguns já falam de 15 pessoas) em Ceuta polas tropas ao seu mando é umha falaz mentira de ONGs que deveriam de preocuparse mais dos pobrinhos picolos. Alguém tem conta de que as suas palavras som inadmissíveis ?? Até quando vai poder seguir sacando a sua lingua a pacer este impresentável que se figera famoso em Ferrol polos seus anos de cachorro ultra e matom franquista e despois fraguista??.

Colamos o aúdio das súas mentiras na COPE, donde declara que nengum guarda dispararia contra migrantes, que nom houvo nengumha morte em território espanhol e que os guardas cumprem estrictamente a lei, e que a culpa é dos migrantes violentos por tentar entrar em avalancha.



Por outra banda até umha veintena de ONG's (supom-se que nem som suspeitas de terroristas nem de mentir por interés próprio) denúnciam que várias testemunhas asseguram que as forças espanholas dispararam balas de goma e gases lacrimógenos a quem estavam na água, e mesmo que se bem num primeiro momento as autoridades negaram o seu uso, depois a Delegaçom do Governo desta cidade autónoma terminara por reconhecer (ante tantas evidências) o emprego de material antidisturbios "como medida disuassória". Na sua denúncia explicam que segundo as testemunhas dos superviventes, os disparos provinham da Guarda Civil apostada na zona espanhola de Praia de Tarajal e no espigom que fai fronteira natural e que a meirande parte das vítimas estabam já fronte á costa espanhola, tendo sobrepassado a citada fronteira natural, e que umha lancha patrulheira perseguira aos migrantes que estavam no mar tratando de dificultar o seu acesso a território espanhol e redirigíndo-los cara a costa marroquina, numha maniobra que "empurrava a supervivintes, feridos e cadáveres" e denunciam que "alguns dos falecidos teriam sobrevivido de ter recebido auxílio dessa embarcaçom". Entom, cabe perguntar-se: Quem minte??

Cabe sinalar que o ministério de Interior co galho de fazer crer a sua teoria, nom duvidou em manter a sua descarada mentira e assim a mesminha Guarda Civil apresentou um vídeo para pretender lava-la a sua imagem de assassinos e que já deu a volta ao mundo pola burda montagem na que se apreza um corte claro nas imagens ( no min 2:07''), e donde primerio é noite no momento da "avalancha" por terra, despois aprecia-se que se passaram várias horas e já é de dia quando as migrantes tiram pedras e outros objectos contra a raia espanhola e os picolos, numha lógica reacçom posteiror ao vil assassinato dos seus companheiros (no médio, no que nom ensinam, sucederam-se os assassinatos):



Despois disso alguns medios tiraram outraos vídeos donde ve-se como vários migrantes som obrigados a passar a Marrocos, quando já estavam em zona "espanhola", o que vai em contra das leis (dessas que o "Cuco" di que cumprem estrictamente os seus homes), e como monstra um botom:



E nom só isso, também sairom á luz outros videos no mesmo sentido que desdizem as palavras de "Cuco", entre eles este video donde ve-se claramente como umha patrulheira da guarda civil leva de volta a Marrocos a uns migrantes que iam numha balsa e já estavam em território espanhol (desta volta em Melilha) com o que incumprem a lei de estrangeria. Umha prova mais das mentiras do "Cuco", se bem ante tamanha evidência já sairom os seus "chicos" a mentir dizendo que se trata do resgate de dois nadadores (mirade-lo e opinade vos mesmas):




E já para rematar, colar umha anécdota ao respeito do "Cuco" o "Bertín ferrolano", quando há dois anos em março de 2012 Bertín Osborne digera que o Concelho de Ferrol lhe ofrecera debalde terreos a pé de praia:

No jornal La Voz de Galicia do joves 22 de março, na sua ediçom de Ferrol, realizaram-lhe umha entrevista a Bertín Osborne co galho da representaçom no Teatro Jofre de Ferrol dum seu espectáculo. Na entrevista o cantante assegura que lhe tem muito carinho á cidade de Ferrol, nom em balde assegura "Yo tuve una novia de Ferrol", frase que merece por suposto o titular da notícia. Porém, sorprende que nom chamara tanto a atençom da redactora as seguintes declaraçons do popular intérprete, no treito no que fala da sua íntima amizade co actual director geral da Garda Civil: "Además, soy íntimo amigo de Arsenio Fernández de Mesa, el actual director de la Guardia Civil. De hecho, hace dos noches estuve cenando con él y recordamos algunas de las muchas anécdotas que vivimos juntos. Por ejemplo, hace 20 años, cuando él era concejal y yo tenía los problemas con mi casa de Jerez, el Ayuntamiento de Ferrol me llamó para decirme que me regalaba unos terrenos a pie de playa para que pudiera construir allí la vivienda. Y hay muchas más historias, tendré que contarle algunas al público ferrolano que vaya a ver el espectáculo".

Ai fica isso.

eDu

2 comentarios:

  1. Ignacio Escolar en ElDiario aponta na mesma diana:

    Fernández Mesa mintió durante la marea negra del Prestige y lo ha vuelto a hacer ahora, con la tragedia de Ceuta. Antes como delegado del Gobierno en Galicia, hoy como director general de la Guardia Civil.

    El adornado currículum de Fernández Mesa también ganaría un Goya: el de mejor guión adaptado (de ciencia ficción)

    http://www.eldiario.es/escolar/Prestige-Guardia-Civil_6_227537268.html

    ResponderEliminar
  2. Unha denuncia abre a vía xudicial na traxedia de Ceuta

    http://www.esculca.net/web/node/4029#.UvtP_c4z3cg

    Informa Esculca con declaracións dos supervivintes, das que colamos estas:

    As declaracións recollidas polos colectivos denunciantes falan da presenza dun barco da Garda Civil na auga. "A bordo dese barco unha persoa, cun pau longo, ía empurrando os feridos, sobreviventes e cadáveres á beira marroquí, para evitar que alcanzasen a costa española", indica o texto. Ademais, unha das testemuñas engade que, se insistían en dirixirse á costa española, "batian na túa cabeza".

    Mais iso non é todo. Outra testemuña menciona que "algúns dos seus compañeiros que estaban na auga achegáronse ao barco para tentaren subir" mais, segundo relatan, "o barco español marchou" e, cando voltou, "comezaron a disparar desde el".

    ResponderEliminar