Ante a situación represiva, as torturas e as mortes que se dan nos cárceres do estado español convocamos unha semana de accións descentralizadas para denunciar estas mortes e demostrar o apoio axs compas que estiveron e/ou están en folga de fame, así como axs que están a realizar accións de apoio dentro das prisións.
- O compañeiro Luis Miguel Mingorance actualmente preso no cárcere de Soto do Real -Madrid-, deixou o 8 de febreiro a folga que iniciara o 10 de xaneiro porque non se encontraba ben, perdera 12 quilos e mexaba moi escuro, secuestrado polo estado fai xa unhas cantas décadas, e membro de COLAPSO, Colectivo Anarquista de Presos Sociais.
Ante toda unha vida de encerro e represión, o compañeiro elixiu esta medida de protesta para poñer de manifesto o carácter irrevogable da súa actitude contestataria e así "lanzar un órdago aos seus verdugos", como el mesmo expresa.
- Á súa vez o compañeiro José Antúnez Becerra no cárcere de Brians 2 levaba dende o 14 de Xaneiro en folga de fame e ven de deixala por razóns de saude, se ben deixa claro que non abandona a luita. Leva nos cárceres dende os tempos da transición. A razón de que siga dentro é a súa constante loita contra as inxustizas do sistema carcerario. Foi condenado a 19 anos de cárcere polo motín de Quatre Camins en 2004 nun proceso cheo de irregularidades. Recentemente demostrouse nun xuízo contra os carcereiros que o motín foi unha resposta ás continuas torturas ás que foron sometidos.
- José María Pirla Oliván, preso dende hai máis de trinta anos, actualmente no cárcere de Albolote (Granada), tambén membro do Colectivo Anarquista de Presos Sociais, COLAPSO, e un caso claro de cadea perpetua encuberta autolesionouse o 15 de febreiro pasado en solidariedade coas folgas de fame dos compañeiros presos en situación similar á súa, cortándose como acción de protesta e apoio ás súas reivindicacións.
- O mércores 28 de Xaneiro no cárcere de Aranjuez (Madrid VI) Orka non respondía ao reconto cotián dos seus verdugos; non podía, estaba morto. Levaba 26 anos secuestrado polo estado español en diferentes prisións da península e estaba a punto de empezar a saír de permisos.
Sufría de varias enfermidades graves, deixárono morrer negándolle a asistencia sanitaria que necesitaba. Un máis dos asasinatos que cada día quedan impunes nalgún centro de exterminio, chámese cárcere, centro de inmigrantes, centro de menores ou psiquiátrico.
- Só no que vai de ano tivemos constancia de 2 mortes máis:
O pasado día 12 de xaneiro de 2014 aparecía aforcado na prisión de Burgos na súa cela J.G.R., de 25 anos de idade, que pronto ía cumprir o tempo da condena pola que se encontraba recluído en prisión.
O 5 de Febreiro foi achado morto na súa cela o preso vasco Arkaitz Bellon, de 36 anos de idade, que se encontraba encarcerado na prisión de Puerto de Santamaría (Cádiz). Permanecía preso dende hai trece anos e a súa data de saída fora fixada para o próximo mes de maio. A súa morte foi por causas naturais malia que non constaban antecedentes de patoloxías médicas.
Anteriormente estivo en Sevilla, onde o pasado marzo foi obxecto dunha malleira por parte de funcionarios. Tamén denunciou agresións en Puerto III en 2010 e en Algeciras en 2008.
Estes feitos confirman unha vez máis que estas Institucións son matadoiros onde encerrar, torturar e asasinar a pobres e disidentes, estas só son algunhas das persoas mortas en prisión, xa que moitas outras quedan silenciadas.
Fagamos da solidariedade algo máis que unha palabra, porque nunca cesará a loita pola liberdade!
No hay comentarios:
Publicar un comentario