As perigossíssimas armas das detidas o dia 14

Além do pouco mediático deste caso comparado com actuaçons jurídico-policias "similares" (a quem isto subscreve, sorprendeu-lhe que deram cumprida informaçom em todas as teles nos mentideiros da mediodia e que desaparecera tal noticia nos da noite (??), além de desaparecer também nos principais falsimedios escritos de hoje, pois tal como gostam de estender a criminalizaçom da disidência, resulta quanto menos curioso, que estes vozeiros e altofalantes do poder, nom digeram nem "mu" desde ontem ao mediodia), destacarei que, como já é habitual, os "mass merdas" só recolhem, sem contrastar nada, a informaçom da polícia e mistura alhos com bugalhos ao meter todo num mesmo saco e vincular estas detençons com as do caso da basílica do pilar e as de independentistas galegas (e com elo buscam causar alerta e medo contra dos novos demos mediáticos-policiais: a FAI-FRI e o anarquismo insurreccional dumha banda e Resistência Galega pola outra), mas também cabe sinalar a curiosa maneira que tenhem estes falsimedios de saltar-se toda ética jornalística ao reproduzir a informaçom policial e dar nomes, apelidos e mesmo lugar de nacemento das pessoas detidas (que nom julgadas) e tirar de fotos de arquivo e das redes sociais sem nengum miramento, além de que depois no video policial lhes difuminem as caras.

Também gostaria destacar umha outra circunstância a analisar: A "Tremenda Perigosidade" dos objectos incautados no transcorrer da operaçom policial, supostamente atopados nos registros domiciliares das detidas na Galiza e que passo a enumerar tal qual facilitarom os medias:

Diverso material informático.
Tres teléfones móviles.
Umha pistola detonadora.
Um revólver detonador.
Umha pistola 9mm curto parcialmente taladrada.
Cartuchos de fabricaçom caseira.
Cartuchos de fogueo.
Cartuchos grandes para recuperar a pólvora.
Um fólio com o texto da reivindicaçom dumha acçom.
Documentaçom diversa.

Tudo um relatório que começa com "Diverso" e remata com "Diversa", mas aclaremos que perigosidade poideram ter estes objectos:

Por suposto, o material informático, os celulares e a documentaçom nom podem ser moi perigosos (mesmo nem o fólio reivindicativo que semelha esqueceram de enviar), mas as armas?? Ai das armas!!:

Pois bem, quando alguém fala de pistolas ou revólveres "detonadoras", ao que se refire é a que som de fogueo, como os cartuchos, que nom precisam de licência e estám catalogados como nom danhinas, dado que disparam muniçom (de fogueo) sem balas, só com pólvora e fulminante, polo qual nom podem fazer dano(nom sendo que as uses como objecto contundente, pero conseguindo fazer o mesmo ou menos dano que o que podes fazer com umha botelha de refresco).

Ah! pero é que também havia umha pistola 9mm curto parcialmente taladrada!!. Pois sim, e isso sinifica, nada mais e nada menos, que foi inutilizada (algo que se fai habitualmente, o de taladra-las, para vende-las para coleccionistas).

O dos cartuchos de fabricaçom caseira e os grandes para recuperar a polvora, admito que desconhezo para que poidam ser usados, pero é sintomático que nom falem de ter atopado balas reais ou projectis com cabeça nuclear (já postos a mentir!!), pero fica moi mediático isso de que atoparam armas e muniçom!!

Á espera de saber mais, de como vam procurar manter os falsimedios a ligaçom anarquismo-resistència galega, de como se come que um grevista de fame em Lugo portando umha estrelada e a lenda "denantes mort@s que escrav@s" seja anarquista, ou outras circunstâncias especiais nestas detençons; só fica dizer que "seguiremos informando"

eDu