9 ene. 2014

A Coruña tambén sumase a Madrid e Compostela na imposición de probas a músicos da rúa.

Collemos de SermosGaliza:

O Concello de A Coruña preparou unha ordenanza que recibiu xa o visto e prace da xunta de goberno local e que se votará na terza feira 14 de xaneiro e entrará en vigor en abril, sobre "contaminación acústica", que considera a música como máis unha forma de "ruído" e que imita a aprobada en Madrid e á que se sumara hai menos de un mes Compostela (ver aquí), coa polémica "proba de idoneidade" para tocar en espazos públicos e esixirá que toda persoa que practique esta actividade conte con autorización previa do goberno local. Quen queira facer música nas rúas da Coruña terá que pasar un exame do Concello e obter o correspondente permiso. Do contrario, esta actividade fica prohibida.

A ordenanza tambén prohibe ''reunións tumultuosas'' en espazos públicos

Volvendo ao texto que aprobará o Concello da Coruña, substituirá o actual, en vigor desde hai 16 anos, e permitirá a música de ambiente en bares e cafetarías sempre que non se superen os 75 decibelios e non molesten a veciñanza.

Dispón a ordenanza que un pub ou un karaoke --ou un tablao flamenco-- non poderá abrir a menos de 25 metros doutro local dedicado á mesma actividade, distancia que se amplía até os 100 metros no caso dunha discoteca. Prohíbense, así mesmo, as "reunións tumultuosas" en espazos públicos --na rúa, nun parque ou nunha praza, por exemplo-- "en especial consumindo bebidas".

No hay comentarios:

Publicar un comentario en la entrada