"Tenho medo de afazer-me"

Hoje "flipei" com um artículo do jornal humorísitico "El Correo Gallego" onde fai-se eco dum informe, que com o nome de Randstad Workmonitor, analisa as expectativas laborais de 32 paises, com umha monstra de 14.000 enquerimentos, o que da umha meia de 437 pessoas em cada pais, e na que tiram como conclusons que no estado espanhol 7 de cada 10 trabalhadores estám satisfeitos com o seu actual emprego (6 de cada 10 galegos).

Ou bem eu estou mais aparvado do que cria quando saio a trabalhar, ou bem as caras da gente com que me cruzo no meu caminho nom refrejam para nada a sua alegria interna pola satisfaçom que lhe produce o seu trabalho, ou bem este informe é umha pantomima mediática que nom se crê ninguém. É evidente, por outra banda, que umha monstra de 437 pessoas é ridícula para tirar qualquer conclussom, além de que os realizadores do informe deverom buscar moi bem para atopar tantas pessoas satisfeitas, cicais perguntarom só a esportistas da élite e a políticos no poder, vai tu a saber!!.



Mas bem eu estou com o expressado por Pepe Rubianes neste vídeo e mais com o escrito por Frida, mulher de 28 anos de Ática (Atenas), na página web grega “O calendário dum desempregado” que cópio e traduzo da web (em castelám) Verba-Volant.info:

Amanheceu, um outro dia que vou ir trabalhar. E vou trabalhar porque tenho trabalho, mentras que um milhom e meio doutras pessoas neste pais nom tenhem. E isso da-me medo.

Vou ir trabalhar porque as facturas seguem sem pagar. Vou ir trabalhar porque o aluguer está sem pagar, e a possibilidade de ser botada á rua nom é umha forma de falar. Vou ir trabalhar e nom vou picar o bilhete no trem, nom porque tenha medo ao control, senom porque nom tenho (dinheiro para paga-lo). Vou ir trabalhar hoje também e pese a que sei que vou cobrar só umha parte do meu salário, como miles doutros trabalhadores e trabalhadoras neste pais. Vou ir trabalhar ainda que tenho medo de que o dinheiro para o aluguer e as contas correntes nom me vaia chegar. Vou ir trabalhar pese a que sei que umha outra vez vou escuitar o da paciência que tenho que ter e o da situaçom que é difícil e o de que nom tenho que desesperar-me. Ademais, fijo que a situaçom vai melhorar, basta com que tenha paciência.

Simplesmente, fai pouco que quando acordo pola manhá tenho a estranha convicçom de que nada vai mudar. Quando entro no trem vejo o mesmo em todos os demais passageiros e crio que o mesmo vem eles em mim.

Agora nom tenho medo de ficar desempregada e de que nom me chegue o dinheiro para o aluguer e as facturas. Tenho medo de afazer-me a viver assim, tenho medo de que todos vaiamos a afazer-nos a viver assim.

Por isso, a vindoura vez que lhe pergunte que imos fazer, nom me digas que as cousas vam-se amanhar. Nom se vam amanhar. Nom me digas que tenha paciência, porque nom quero te-la. Nom trates de assustar-me contándo-me que em todas partes é assim. Nom me importa. Nom trates de explicar-me porque nom nos pode pagar, nom me importa. Di-me que decidis-te de que lado estás. Di-me se estás comigo ou com os outros.

Porque as cousas estám claras. O medo que me queres transmitir é umha arma da patronal para manter-nos obedientes. A solidariedade entre nos e a nossa luita comum contra a devaluaçom da nossa vida e do nosso trabalho é nossa arma contra os patrons, pequenos ou grandes.

Nom penses tu polos patrons, há outros que se preocupam por eles. Pensa como trabalhador, pensa nos teus próprios intereses. E nom te deixes enganar, nom coincidem com os dos patrons, som contradictórios.

Assim que, a próxima vez que te pergunte, nom me digas que as cousas vam-se amanhar. Di-me se estás com nós ou com eles. O resto podemo-lo arranjar.

Frida, 28 anos, Ática (província de Atenas)

Colado x eDu