[Barcelona] 30 persoas en folga de fame denuncian a morte dun compa emigrante encirrado no CIE da Zona Franca

Estes días os medios daban conta do funesto desenlace dunha persoa con orixe armenio que apareceu aforcado e morto na súa cela do CIE, todos os medios daban por seguro o seu suicidio, agás os alternativos que sospeitaban que algo extraño tiña que ter sucedido para que este home, Aramis Manukyan, de só 32 anos e con unha filla de 7 decidira por conta propia acabar con a súa vida.

Agora vimos de saber por Tokata que, até 30 persoas encirradas neste mesmo CIE, están a facer umha folga de fame solidaria en exixencia de que se investigue a morte de Alik (como era coñecido) e como maneira de facer chegar à opinión pública a súa denuncia aportando un outro relato dos feitos, moi diferente ao divulgado pola policia e o CIE:

Segundo as fontes consultadas, antes de morrer, Alik recibiu golpes por parte dos axentes policiais e deseguido, foi internado nunha cela de illamento, dende a que tería estado a berrar durante horas, antes de que sucedese o tráxico desenlace.

Estanse a realizar xestións para comunicar ao Xulgado ao que ao parecer foi asignada a investigación deste caso, así como aos Xulgados de Control de CIE's, para que coa maior urxencia, soliciten as imaxes das cámaras de seguridade e suspendan as eventuais expulsións dos internos que poidan ter información relevante. Igualmente, séguese traballando para solicitar máis datos, a pesar da opacidade que impera nestes centros.

Esiximos que se leve a cabo unha investigación xudicial rápida, imparcial e profunda sobre o resultado de morte de Alik sucedida no CIE da Zona Franca a madrugada do pasado 3 de decembro.

Convocamos unha concentración para denunciar a morte de Alik diante da comisaría da Policía Nacional de Vía Layetana o próximo luns 9 de Decembro ás 19:30h.

Xustiza para Alik.
Asociación Armenia Ararat
Campaña Tanquem els CIE
Rereguarda En Moviment