[A Corunha] O Patachim volve abrir !!

Há dias publicavamos acá a crónica do feche deste mítico local corunhês por ordem da alcaldia (ver acá), mas vimos de saber que hoje reabrirá as suas portas depois de que técnicos do próprio concelho anularam e deixaram sem efecto a ordem de feche temporal ordenada pola alcaldia, se bem seguem tendo que afrontar o pago de multas desorbitadas com o convencimento de que seguirá o acosso desde a alcaldia. Mas, imos dar voz a um dos sócios deste local e colamos acá o seu comentário numha rede social:

ABRIMOS! Os técnicos municipais emitirom resoluçom favorável que anula e deixa sem efeito a ordem de feche temporal ditada contra o Pub Patachim. Isto significa que o Pata abrirá as suas portas manhá joves (por hoje) cumha festa moi especial: teremos o luxo de poder contar com Manuel Saavedra Sobrado inaugurando as Quintas Electrónicas do Pata, seguro nom vai decepcionar. Queremos agradecer enormemente à nossa advogada Eva Arcos o seu excelente trabalho e a sua profissionalidade que permitirom que podamos estar de novo com vós. E por suposto queremos agradecer todo o apoio e toda a solidariedade que nos estades a brindar e que e seguimos precissando. Primeiro porque temos que fazer frente a umha multas desorbitadas. Segundo, porque estamos convencidas de que o acosso por parte de determinados seitores continuará: querem ver-nos fechados. Terceiro, porque a pequena hostalaria da Corunha tém os seus dias contados ameaçada por um macro-projecto que o governo de Carlos Negreira está a promover com multinacionais alheias à cidade no Dolce Vita, onde pretendem instalar 80 locais (restaurantes, pubs, discotecas) numha aposta que conlevará a desapariçom de centos de pequenos locais, a perda de milhares de postos de trabalho, a imposiçom dum ócio uniforme e enlatado e a perda dum importante fluxo económico que nom se vai reinvertir na cidade. Contade-lho a todo o mundo porque o tenhem moi calado.

Temos que ponher-nos em pé de guerra!