19 ago. 2013

[Italia] Compa "NonTav" encarcerado.

Reproducimos, depois de traducilo, este Comunicado da Redacción de Nunatak – revista de historia, cultura e luitas da montaña, de corte anarquista e feita na Italia e que recollimos de Barcelona Indymedia:

Na tarde do martes 13 de agosto, Giobbe, o noso compañeiro e redactor de Nunatak, foi levado do seu domicilio en Dumenza (VA) e arrestado por orde da fiscalía de Torino. Rexistráronlle a casa e secuestrado roupa e obxectos persoais: os delitos que lle imputan son intento de roubo, secuestro, violencia, ameazas e resistencia a un oficial público, en relación a uns sucesos acontecidos en Val de Susa en novembro de 2012.

As investigacións, con case un ano de distancia, terían levado a identificar a Giobbe como o autor dunha presunta agresión nas proximidades de Chiomonte (n.do t.: lugar da acampada anti-TAV) a un axente de policía que coa súa cámara fotográfica andaba á caza de imaxes para usar contra o movemento Non Tav.

A mensaxe do Estado, esta vez, non deixa lugar a dúbidas ou malentendidos. Para tod@s @s que, como Giobbe, continúan coa cabeza alta sen deixarse intimidar polas tramas policiais e xudiciais, e que a diario encontran as razóns para combater en primeira persoa a nocividade do Capital, e contra @s que se implican na loita Non Tav a represión se subministra de xeito cirúrxico: unha continua, metódica elaboración de acusacións indiciarias para usar no momento xusto.

Unha práctica que nos últimos anos se presentou en diversas ocasións, entre outr@s, tamén contra algunh@s outr@s redactor@s da nosa revista. Seguro que é un bo método para quitar de diante por un tempo a quen se expón nas batallas pola liberación dos territorios de mans dos explotadores e os uniformados que os protexen.

Mentres tanto para nos está clara a convicción ao devolver esta mensaxe ao seu remitente e demostrar outra vez ao Estado e os seus servidores que a solidariedade pode ser un instrumento eficaz para relanzar, sempre con maior forza, a nosa loita por unha existencia liberada, contra quen devasta e reclúe, pola autodeterminación das comunidades, da montaña como de calquera outro territorio.

Por un mundo sen cárceres! Giobbe liberdade! Liberdade para tod@s!

Para escribir a Giobbe:

Davide Giacobbe

Casa Circondariale Lorusso Cotugno

Via Maria Adelaide Aglietta 35

10151 Torino (Italia)

Pódeselle escribir con normalidade en castelán, català e en italiano, entende perfectamente. Tambén pódenselle enviar telegramas. En canto a diñeiro, roupa, etc está xa servido.

OLLO!!! Non enviar nome de Giobbe pois non chegará. Aterse ao nome e dirección exacta.

.........................................

Colamos tambén este comentario (traducido) asinado por Pepe:

Nin caso aos policias... E solidariedade con o detido.

Escribo para dicir que pode que algunxs non lle dean importancia ao escribir aos prisioneiros pero para quen está dentro e sobre todo nos primeiros momentos máis aínda, cada postal, cada carta ou cada telegrama son unha bafarada de aire fresco e de liberdade que entra ata a mesma cela do detido.

Se non se quere alongar o seu discurso e non sabe ben o que dicir a alguén que non coñece persoalmente, dicirlle que só dous lineas nunha postal neses primeiros momentos de incerteza son aire limpo que respirar nun sitio onde falta o aire e ademas esta podre.

Animo a todxs a escribir as prisioneirxs tambén cando non se lles coñece.

Solidariedade a Giobbe e a todxs xs detidxs anarquistas.

Forza e coraggio Giobbe

Se golpean a unx respondemos todxs


.......................................
Ademais consideramos oportuno publicar esta referencia de Giobbe, que tambén colamos de IndyBarna:

Pequena introdución sobre Giobbe


Militante anarquista moi activo e querido sexa en Varese provincia onde reside, sexa en val di Susa onde loita contra o tav. Un dos editores da revista de cultura e resistencia de montaña chamada Nunatak (presentada en EH hai uns anos).

Precursor da Festa Antileghista na nosa provincia feudo da Leiga Nord.

Tomou parte activa na loita contra a presa de Itoitz e contra o desaloxo do gaztetxe Euskal Jai. Tamén presente en realidades como Can Masdeu (Barcelona) onde viviu e aprendeu castelán e catalá entre outras cousas.
.......................................
Máis información no mesmo enlace de IndyBarna do principio da noticia.

No hay comentarios:

Publicar un comentario en la entrada