4 jul. 2013

[Arxentina] O triunfo de Famatina contra o proxecto de Megaminería de Ouro a Ceo Aberto da compañía canadiana Osisko Mining Company

Recollemos e traducimos de Plazademayo.com

Logo dun ano e medio de corte, o gobernador K Beder Herrera disolveu o contrato coa mineira canadiana. Unha vitoria popular. Un exemplo a seguir?

Finalmente, venceron. Elxs, xs de Famatina. Xs habitantes dunha pequena vila de sete mil persoas, que construíron unha asemblea, que cortaron unha ruta, que se opuxeron aos poderes. Xs que dixeron "non". Finalmente, o gobernador Luis Beder Herrera asinou o decreto 874 que rescinde o contrato entre a provincia e a Osisko Mining Company, unha empresa canadiana que quería instalar un proxecto de megaminaría a ceo aberto na rexión. A oposición frontal do pobo venceu a posibilidade empresaria da depredación do medio, da usurpación estranxeira dos recursos naturais, da entrega. Logo dun ano e medio de loita, Famatina venceu.

"Estamos moi felices -di Carina Díaz Moreno, unha das membros da asemblea popular de Famatina-. De todos os xeitos, somos desconfiadxs deste goberno e seguiremos mantendo o corte no Alto Carrizal, onde empeza o camiño que leva ao cordón montañoso do Famatina".

O corte ao que a asembleísta se refire é o método decidido polo pobo que impediu, dese xeito, o paso dos representantes da empresa Osisko Mining Company, que tiñan a intención de voar gran parte das montañas para extraer, con métodos contaminantes, o ouro desperdigado nelas.

"A continuidade e persistencia dos devanditos acontecementos de confrontación, imposibilitaron ata a data dar inicio ás actividades programadas xerando graves consecuencias de orde económica e social á provincia", sinala o decreto asinado polo gobernador Beder Herrera, que é tanto kirchnerista coma menemista. A presidenta Cristina Fernández é unha firme impulsora da megaminaría a ceo aberto como forma de impulsar o desenvolvemento -fallido- da nación.

"Todo isto pasou logo da represión que sufrimos en maio, cando unha patota nos atacou por manifestarnos contra Beder Herrera; logo de que a esposa dun policía fóra trasladado da nosa vila por apoiar a loita antimineira; despois dun ano e medio de corte para impedir o paso da mineira", explica Carina Díaz Moreno

-Por que van manter o corte, malia o anuncio do decreto?

-Non lle creemos nada a Beder Herrera. Cando era vicegobernador impulsou e aprobou unha lei contra a megaminaría na provincia, que derrogou nin ben chegou ao poder. Hoxe intenta que se instale a megaminaría a ceo aberto noutras rexións da provincia, xa que nesta vila nos opuxemos. Nós esiximos unha lei provincial de prohibición de explotación megamineira en toda a provincia. Queremos que renuncie a deputada Adriana Lima, que traizoou a Famatina e impulsou esta actividade malia a oposición de todos nós. E queremos que volvan a Famatina os recursos que lle foron quitados ao pobo como forma de represalia por parte do gobernador. Á vez, somos ao redor de cincuenta cidadáns de Famatina procesadxs pola xustiza por loitar. Queremos que nos quiten esas causas. E por todo isto aínda non imos abandonar o corte.

Fontes da intendencia de Famatina, cuxo xefe se pregou á loita da cidade, confirmaron a derrogación do convenio coa Osisko Mining Company.

Famatina xa expulsara a Barrick Gold, aquela empresa instalada en San Juan, que conta co apoio da presidenta Cristina Fernández. Hoxe confírmase que acabou cos intereses doutra megamineira, a Osisko Mining Company. É unha pequena vila perdida na cordilleira. Os seus habitantes deberían ser considerados como un orgullo da nación.

Unha nova victoria à que hai que sumar a conseguido na vila de esquel polo povo em luita, tal como xa contaramos en abordaxe en maio deste mesmo ano (acá)

No hay comentarios:

Publicar un comentario en la entrada