13 jun 2013

[Xinzo] A Plataformam Veciñal "Corno do Monte" considera sua a vitoria contra a mina de feldespato, mas din non fiarse de Feijoo

Onte na sede parlamentaria da Xunta, Feijoo "Chistestem" recoñeceu publicamente que a mina de feldespato non ia ser unha realidade en Xinzo por incompatibilidade con o agro e a gandería desta bisbarra ourensá.

Ante semellantes verbas, a plataforma veciñal Corno do Monte celebra e entende isto como unha sua "victoria" depois das constantes movilizacións, con mención especial a tractorada do pasado 25 de maio, apoiadas por asociacións e organizacións ecoloxistas que "foron o empurrón definitivo para que o máximo mandatario galego se posicionara en contra da mina de feldespatos".

E deixan claro que esta victoria corresponde "só e únicamente à veciñanza afeitada, que con coraxe e valentía enfrontaranse às mentiras e deixaran ben claro que con o seu pan e máis o dos seus fillos non se xoga".

Con todo, a declaración de Feijóo en sede parlamentaria é tomada con reserva "ao non deixar de ser unha mera declaración de intencións, polo que, de momento carece do máis mínimo valor legal e xurídico".

Polo tanto, e aínda que recoñecen que "a intención por parte do presidente da Xunta é un éxito a celebrar por parte da veciñanza" entenden que "a ameaza da minería segue presente dado que Minercer S.L. continúa mantendo os direitos de explotación e nada impede que nun futuro poida presentar outra vez este proxecto".

Peden, pois, que o Goberno galego "reclame que os direitos de explotación sexan retirados, dado que sempre existen fórmulas legais para facelo".

eDu

No hay comentarios:

Publicar un comentario