6 feb 2013

[Compostela] Concentración hoxe as 12 nos xulgados en solidariedade con filiado da CNT detido onte en relación con a Folga Xeral do 14N

Colamos da web da CNT galaica:

Tres meses despois da última folga, a do 14 de novembro, un compañeiro deste sindicato que non foi nen sequera identificado polo exército privado do capital foi detido hoxe no medio da rúa. En solidariedade con el, concentrarémonos mañá, mércores 6 de febreiro, ás 12.00 nos xulgados de Compostela.

Dentro dos feroces ataques que o capital e os seus cans están dirixindo por todos os medios contra a clase traballadora, a estratexia da que máis gustan é a escalada represiva, non é novidade. Os mesmos que enchen o peito e falan de liberdade e democracia, demostran día a día o que son e o que merecen. A campaña de criminalización centrada na Galiza, que o PP e os seus medios lacaios alentan dende hai xa tempo para agachar a súa merda e as súas vergoñas, parece medrar agora coa incorporación de profesionais da persecución e a represión que noutros lugares quedaron sen emprego.

Eses son os empregos que este sistema defende e protexe: todos os que teñan que ver coa explotación, a represión e a privación de liberdade da clase traballadora, os que fan medrar o medo e castran calquera resposta. É o que quere a oligarquía na que vivimos: que a metade da población forme parte dos corpos represivos do estado para manternos a traballadoras e traballadores acollonados.

Chamamos a solidariedade das compañeiras e compañeiros, porque se nos tocan a un, tócannos a todas!

3 comentarios:

  1. Despois de declarar esta mañá nos xulgados, o noso compañeiro segue detido. Levárono dos xulgados á súa casa para facer un rexistro, mostra do nivel que está a alcanzar a represión neste momento.

    Por iso, para amosar ao noso compañeiro todo o noso apoio e solidariedade,convocamos unha concentración esta tarde, na praza de Cervantes, ás 20.00.

    ResponderEliminar
  2. Sen ter declarado aínda nos xulgados, o noso compañeiro segue detido.

    http://www.cntgaliza.org/?q=node/1470

    ResponderEliminar
  3. http://www.lavozdegalicia.es/noticia/galicia/2013/02/07/detenido-disturbios-huelga-14-n/0003_201302G7P12993.htm

    ResponderEliminar