22 ago. 2014

[Ecuador] A un ano do exterminio da Iniciativa Yasuní-ITT, seguimos na loita pola vida - Manifesto de YASunidos

Colamos información facilitada pola ANA, recollida na web AmazoniaporlaVida :

Yasuní, na Amazonía ecuatoriana, foi cualificado por científicos de todo o mundo, como a zona de maior biodiversidade do planeta. Só dentro dunha hectárea do Yasuní atopáronse 644 especies de árbores. Hai tantas especies de árbores e arbustos nunha hectárea do Yasuní como existen árbores nativos en toda América do Norte. Este parque foi no seu momento declarado Reserva Mundial da Biósfera pola UNESCO .

A Reserva da Biosfera é tamén o fogar do pobo indígena Huaorani e dos pobos en illamento voluntario. Trátase dos últimos seres libres do Ecuador, auténticos guerreiros, os que viven nas denominadas "sociedades da abundancia", pois producen o mínimo suficiente para satisfacer as súas necesidades. O pobo Huaorani, é cazador e recolector e require dunha extensión grande para manter as súas practicas de produción e consumo. A súa condición de cazadores recolectores obrígalles a moverse nun vasto territorio; nos primeiros anos do século pasado movíanse entre o Napo e o Curaray. A presión da apropiación do territorio por parte das compañías petroleras, a través das concesións; dos madereros, a través da compra de bosques; dos colonos que se posesionan das leiras; do Estado que declara terras de colonización, etc., reduciu a zona de movemento dos Huaos ao área do Tivacuno-Curaray.

O pobo indígena Huaorani iniciaron contacto co mundo occidental en 1958 a través dos misioneros evangelistas do Instituto Lingüístico de Verán (ILV), o traballo da misión evangélica consistiu en despexar a zona para que as petroleras entrasen.

Agora veñen de facer público o seu seguinte Comunicado:

Logo de catro décadas de explotación petrolera; de dúas décadas e media de loitas contra a contaminación provocada por esta; do mesmo número de anos de pelexar pola preservación do Yasuní; de seis anos de soñar coa promesa de deixar o petróleo no subsuelo; de seis meses de suar a posta en práctica do noso dereito á participación política recollendo tres cuartos de millón de firmas; de trinta días de ver como arrasaron coa vontade de todo un país.

Logo dun ano de existencia...

Yasunidos, un colectivo de colectivos comprometidos coa vida, a defensa dos dereitos humanos e da natureza, declarámosnos/declarámonos: ecologistas, anticapitalistas, antiimperialistas, antiextractivistas, apartidistas, empeñados en inventar novas formas de facer política e en rescatar a política mesma das sucias mans dos "políticos" que manexan e manexaron o noso país á súa conveniencia, co fin de beneficiarse e beneficiar a un minúsculo grupo de xente en prexuízo de quen vivimos neste país.

Unha vez evidenciado que o modelo de democracia delegativa que nos impoñen non funciona para a "maioría", é dicir a suma das diversas minorías (quedou demostrado cando desapareceron o 60% das nosas firmas), invitamos á sociedade a reinventar a democracia, as democracias, que como a biodiversidade do Yasuní son múltiples, mega-diversas, porque diversas son as necesidades da poboación ecuatoriana.

A democracia non pode ser unha soa, por que o Ecuador é plurinacional e multicultural, somos diversos, con xente e pobos distintos e respondemos a nosas propias especificidades culturais, urbanas ou rurales, xuvenís ou de xénero, de distintas rexións continentales ou insulares. Por isto, demandamos e invitamos a toda a sociedade a participar activamente, a reiventar os nosos espazos de resistencia, na cama, nas casas e na rúa e vencer os medos e ataduras impostas por esas institucións que mañosamente manipulan á súa antojo e o dos grupos encaramados no poder o que eles chaman "gobernar democráticamente".

Convocamos á sociedade enteira a repensar o noso país, non creemos en salvadores nin caudillos, e menos en quen nos mentiron ofrecéndonos "revolución".

Invitamos a todos os ecuatorianos e ecuatorianas a convocar, non a unha consulta, senón a decenas, centos de consultas populares, de debates e de accións, que debuxen os novos camiños polos que deberá transitar o Ecuador; camiños que miren nos soños e necesidades de todos e todas, porque estamos seguros que un país para todos, constrúese entre todos.

Neste andar de construír e descubrir novas formas de facer política, continuaremos atentos, vixiantes e críticos do uso e o manexo do poder, seguiremos denunciando os abusos contra a natureza, os pobos e demais especies que a habitan e os riscos aos que llos expón; pero ademais esixindo e articulando accións contra o consumo que demanda extracción, repensando as nosas accións cotiás de forma colectiva e organizada para boicotear as industrias que viven do petróleo e os seus derivados.

Non abandonamos a loita polo Yasuní, estamos máis firmes que nunca, porque o Yasuní xa non só é o lugar máis biodiverso do planeta, agora, o Yasuní é o lugar da mega diversidad das resistencias.

Non celebramos nada, porque ningún exterminio, de ideas, persoas, plantas ou animais, debe ser celebrado, pero si nos sentimos serenamente satisfeitos polo construído este primeiro ano e comprometidos cun futuro que é de todos, e vivímolo con alegría e esperanza de seguir aportando e construíndo.

YASunidos

No hay comentarios:

Publicar un comentario en la entrada