26 jun. 2014

Os mineiros asturianos que fixeran barricadas na greve de 2012 enfróntanse a penas de cárcere con a complicidade do sindicatos

Recollemos (e traducimos) do blogue do Grupo Anarquista de Asturies "Higinio Carrocera":

A represión contra as protestas sociais cóbrase novas vítimas. A Fiscalía de Asturias solicita penas de entre ano e medio e cinco anos de prisión para dez mineiros acusados dun delito de desordes públicas durante as protestas rexistradas en xullo de 2012. A vista oral celebrarase hoxe mesmo no Xulgado do Penal número 3 de Uvieu, ás 11.45 horas.

Cárcere e multas para os que protestan contra o Capital e o Estado pola súa política de recortes, despedimentos e precarización das condicións laborais. Todo iso coa complicidade dos sindicatos mineiros de Soma-UGT e CCOO, que levan anos negociando a liquidación da minaría.

Os dez acusados foron identicados entre un grupo dunhas sesenta persoas que participaron nun corte de tráco na estrada AS-I (Autovía Mineira), á altura de Bendición (Siero), sobre as 7.00 horas do 2 de xullo de 2012. Segundo o Fiscal, os acusados prenderon lume a unha gran cantidade de pneumáticos, "asumindo os danos que causaban á vía pública", e causaron danos no valo de cerramento.


Á chegada da Garda Civil, o grupo de persoas que participaba na barricada repregouse cara ao monte para dende alí manter posicións contra as forzas represivas. Os axentes puideron deter a un deles, quen formaba parte dun grupo que se encontraba lanzando foguetes e bólas de golf con lanzadeiras aos axentes.

Pouco despois, a Garda Civil detivo outros nove dos participantes na barricada, para os que o Fiscal solicita unha pena de ano e medio de prisión, para cada un deles, por un delito de desordes públicas. Para o primeiro dos detidos, ao que lle incautaron unha lanzadeira e un foguete, o Fiscal interesa unha pena de cinco anos de prisión polo mesmo delito e por outro de atentado con uso de medio perigoso.

Ademais, solicita que os dez, de forma conxunta e solidaria, indemnicen á Consellaría de Fomento con 2.155,27 euros polos gastos de reparación do pavimento da autovía, o valo e a retirada de entullos.

Máis información en Abordaxe sobre esa luita mineira en orden cronolóxico:

14/6/2012.- 18 de junho Convocatória Solidária com a Luita Mineira

18/6/2012.- Já tardavam!! A Asociaçom Pro Guardia Civil tilda de terrorismo os protestos mineiros

27/6/2012.- Quarenta dias no fundo dum poço.- Um relato da luta mineira

No hay comentarios:

Publicar un comentario en la entrada