31 mar. 2014

[Catalunya] STOP xuízo encausadas 15-xuño-2011 "Eu tambén estaba no Parlament"



Unha compa envíanos un correo da Campaña "Jo també estava al parlament. Io tornaria a fer" ("Eu tambén estaba no parlamento. E voltaría a facelo") onde solicitan axuda para difundir o xuízo político que comenzou hoxe, luns 31 de marzo, na Audiencia Nacional e no que están encausadas 20 persoas acusadas de atentar contra as institucións do estado ás que lles peden ata 8 anos de cárcere (as peticións veñen da fiscalía do estado, do parlament catalán, da generalitat e mesmo dos fascistas onegeros "Manos Limpias" que son os que fan a maior petición). Son persoas vinculadas á acción masiva de 15 de xuño de 2011 "Aturem el Parlament", e afirman que está a costarlles sacar a campaña de denuncia afóra de Catalunya, pois non son muitas persoas as que están a tirar dela e necesitan apoio na súa difusión.

Ademais ligamos a esta crónica do IndyBarcelona sobre a Manifa deste sábado pasado polas rúas de Barna en solidariedade con as encausadas, onde acudiran miles de persoas e que rematou con una carga brutal do mossos d'esquadra, cando non houbera incidentes.

Apontan a que claro que sí, que estaban intentando parar o Parlament ese día para que non se aprobaran uns recortes que nos precarizan a vida, que violencia é non chegar a fin de mes e que están fartas das súas leis, que incluso queren mandar nas nosas conas e que abaixo os muros da Audiencia Nacional e de todos os xulgados e cárceres!

Neste seu blogue tedes máis e mellor información sobre a campaña que xa comezou e que hoxe luns 31 de marzo estaba previsto que compas de Madrid se concentraran diante da Audiencia Nacional en San Fernando de Henares dende as 09h30', e tambén hoxe ás 20:00 outra concentración na Praza do Sol.

E en Barcelona teñene previsto concentrarse en 2 e 3 de abril diante da Audiencia Provincial de Barcelona (tal como anuncian neste cartaz):


Ademais din que: "Está claro que, é un xuízo político, porque realmente non houbera nengún dano aos políticos, no entanto a pena que pesa sobre eles/as é grave, ata 8 anos!!. A fiscal da Audiencia Nacional Teresa Sandoval solicita cinco anos e meio de cárcere para os acusados, ao considerar que provocaron "un fundado temor na seguridade" dos deputados que intentaban entrar na cámara. Atribuelles ás acusadas un delito contra as Institucións do Estado en concurso con outro de atentado contra a autoridade.

O Parlamento catalán pede tres anos de cárcere para as acusadas polo primeiro delito, entanto que a Generalitat solicita a mesma pena para catro delas. Manos Limpias, que exerce a acusación popular, solicita oito anos e meio de cárcere.

Pensamos que, o apoio social é a maior defensa con a que poden contar estas compas"
.

No hay comentarios:

Publicar un comentario en la entrada