Abordaxe -revista anarquista-: "Si, si, si!!!, Marchamos a Madrid!!" - Abordaxe aceita o convite para participar dos actos do VI Aniversario do CSO "La Gatonera"

AVISO A NAVeGANTES

MUDAMOS DE BARCO !!!

As piratas embarcadas nesta travesía, acordamos deixar este barco en dique seco e a bon abrigo, pero con a "santabárbara" cheiña de pólvora. Arriamos velas, desmontamos mastros, recollimos cañóns e metralla e trasladámonos a un novo navío onde xa ondea a nosa bandeira preta:

ABORDAXE.ORG

Convidámosvos a navegar con nós nesta odisea, e a que nos sigades enviando a vosa munición e compartindo aventuras e luitas. A tal efeito deixamos o noso enderezo de contacto:

abordaxe@bastardi.net

21 feb 2014

"Si, si, si!!!, Marchamos a Madrid!!" - Abordaxe aceita o convite para participar dos actos do VI Aniversario do CSO "La Gatonera"

Que unha Revista Anarquista Galega (e én galego) sexa convidada a acudir aos actos do aniversario dun Centro Social Okupado fóra da Galiza, non é algo que ocorra cada día. Sen pretender dar maior importancia ao feito de que sexa nunha cidade como Madrid (fardaríamos tambén se fosemos convidadas a presentala en Tornavacas no "Valle del Jerte" por poñer unha vila ao azar), si nos aleda o feito de comprobar que a nosa lingua non é unha limitación para a expansión e difusión da nosa revista como o demostra o interés das compas madrileñas de "La Gatonera" pola nosa publicación e por este blogue.

Así estaremos mañán Sábado (ainda non sabemos a que hora) no CSO "La Gatonera" na rúa Amistad, nº9 do barrio de Carabanchel, presentando o noso último número da nosa revista en papel. (en "leer más" podedes ver o cartaz íntegro)