19 ago. 2013

[Girona] 23 Agosto. - Acampamento de Resistência Áctiva na Defensa do Território: Contra a MAT e o Mundo que a Necessita

Recebemos na nossa caixa de correios esta convocatória desde terras de Girona sobre o acampamento contra a linha de Moi Alta Tensom (MAT), umha luita que leva já mais de dez anos activa e que traduzimos ao galego por se alguém está interesada em acudir a esta cita nas terras catalás, além reproduzimos o interesante vídeo em castelám: "La MAT ¿A donde nos lleva el progreso?" .

Além cabe recordar que na nossa terra também há algum protesto contra estas perigosas torretas eléctricas, que se bem nom chegam à categoria de MAT (e convem nom esquecer que as diferências entre Moi Alta, Alta, Média ou Baixa Tensom som estabelecidas polas empresas eléctricas em base ao potencial e nom em base à perigosidade para a vizinhança, na que intervenhem outros factores como a proximidade dos núcleos de povoaçom) som também moi perjudiciais para a saúde, como é no caso da parróquia de Oseiro no concelho de Arteixo (foto), onde também levam umha morea de anos de luita contra das torretas de AT ubicadas a menos de dez metros das vivendas e moi perto dumha escola (ver mais informaçom sobre este caso acá neste blogue).

Reproduzimos pois esta convocatória onde explicam que é a MAT e para que serve, quem está detrás deste megaprojecto e o conseguinte e lógico para que do acampamento e do porquê ali e agora:

QUE É A MAT?

A linha de Moi Alta Tensom (MAT) é umha autoestrada eléctrica que transporta um mínimo de 400.000 voltios. Esta-se a construir para interconectar Estados europeios e também o continente europeio com o africano. Serve para comercializar e distribuir excedentes de energia produzidas por centrais nucleares e supostas fontes de energias alternativas. Paralelamente, é a rede que o capitalismo necessita para alimentar a outros projectos e infraestructuras de morte e destruiçom, como por ejemplo o Trem de Alta Velocidade (TAV). Os responsáveis som os de sempre e as empresas constructoras estám direitamente implicadas noutros projectos de destruiçom do território, empresas entre as que destacam Vinci em Europa e Endesa em América do Sur.

PARA QUE O ACAMPAMENTO?

Para que nom se construa o último tramo decissivo para conectar França com Catalunya. Para que nom se passe a energia de 6 centrais nucleares francesas por este território nem nengum outro. Para tomar a luita contra a MAT como um ponto de partida cara o questonamento do nosso jeito de viver, na sua meirande parte imposta polo domínio do "Progresso".

Para criar um espaço de encontro, informaçom, agitaçom e acçom nas terras afectadas.

PORQUÊ AQUI E AGORA?

Este é um momento decissivo tras mais de 10 anos de luita. Em setembro começam as expropriaçons aos proprietários que nom quigerom assinar a venda dos terrenos necessários para a construiçom das últimas torres da MAT em Girona.

É por tudo isto que vos convidamos a participar activamente no acampamento, para compartilhar, luitar e ressistir num lugar autogerido, livre de líderes e representantes. Queremos criar momentos de intercámbeo e conexom entre diferentes luitas, porque a MAT afecta-nos a todas e todos e nom é umha luita ailhada.

CONTRA O PROGRESSO, AS SUAS INFRAESTRUCTURAS E OS SEUS DEFENSORES: RECUPEREMOS AS NOSSAS VIDAS!

VEMO-NOS O 23 DE AGOSTO DE 2013 NAS TERRAS DE GIRONA

Trazede tudo oo que necessitas para acampar. Mais informaçom e actualizaçons desta convocatória no seu blogue "Torres Mes Altes Han Caigut"



Colada x eDu

No hay comentarios:

Publicar un comentario en la entrada