Gabriel Valenzuela Montoya, menor, Preso Político Mapuche, comenzou unha folga de sede.

Días atrás deramos conta neste blogue da sua decisión de comenzar unha folga de fame (ver acá), e agora vimos de saber que, depois de 30 días en folga de fame, nos que o Estado e a xustiza chilena non se brindaron en dar resposta algunha a sua protesta, o mozo Mapuche decidiu dar un otro paso na luita e comenzar unha folga de sede que, segundo as suas proprias palabras: "na cal mantereime ata sacrificar a miña vida polo meu pobo e a miña liberdade".

Colamos o seu Comunicado Público dende o carcere de menores de Chol Chol que recollimos e traducimos de KaosenlaRed:

Dende o cárcere de menores de Chol Chol, informo o pobo mapuche e á opinión publica nacional e internacional, o seguinte:

Eu, Gabriel Valenzuela Montoya, menor preso político mapuche, recluído hai máis de 9 meses no CIP CRC Chol Chol, declaro que xa despois de 30 días en folga de fame, e ante a nula resposta do Estado e a Xustiza respecto ás miñas demandas, anuncio dende hoxe 11 de xuño do 2013, o inicio da miña FOLGA SECA, a cal manterei ata sacrificar a miña vida polo meu pobo e a miña liberdade.

Teño claridade que a avanzada deterioración do meu estado de saúde produto da folga de fame que levo dende o 13 de maio, pode poñer en risco a miña integridade, pero asumo dende xa todo o que iso implica para que se escoite a miña demanda:

- Liberdade inmediata con arresto no meu domicilio mentres segue o proceso de investigación.

Isto, amparado na mesma Convención dos Dereitos do Neno, que resalta no Artigo 37 a "Que os Estados velarán por que ningún neno sexa sometido a torturas nin a outros tratos ou penas crueis, inhumanas ou degradantes. Que a prisión se utilizará só como medida de último recurso e durante o período máis breve que proceda".

De máis está dicir que o Estado de Chile incumpre este tratado cada vez que arrasa as nosas comunidades e tortura aos nenos e nenas mapuche, cando os procesa e os encarcera, vulnerando a nosa integridade física e emocional.

Finalmente, dende o cárcere de menores de Chol Chol, fago un chamado a todo o meu pobo a apoiarme nesta xusta demanda pola miña LIBERDADE, fago un chamado aos que apoian en distintas frontes de loita, a seguir denunciando, a seguir visitando os cárceres, a seguir defendendo o noso territorio da usurpación, a sobreexplotación e as mans do capitalista.

LIBERDADE A TODOS OS PRISIONEIROS POLÍTICOS MAPUCHE

LIBERDADE INMEDIATA DO NOSO TERRITORIO

ABONDA DE MONTAXES CREADAS POLO FISCAL ANTI MAPUCHE LUIS CHAMORRO