Desempregadas de Ferrol organizam-se em "Açom Direta de Recuperaçom de Espaços Públicos"

As respostas organizadas à crise estám a encontrar novos jeitos de protesto, alguns tam originais e interessantes como o grupo Açom Direta de Recuperaçom de Espaços Públicos, criado em Ferrol Este grupo de "cidadás conscienciad@s com o valor patrimonial, paisagístico e ecológico da comarca, e outr@s cidadás que se encontram em situaçom de desemprego (que nom parad@s) que querem fazer visível a grave situaçom que estám a passar" apresenta quatro pontos reivindicativos: a denúncia do desleixo com que o Concelho de Ferrol trata os espaços públicos e naturais, a paralisaçom das obras da Praça de Espanha e encaminhar esse dinheior à contrataçom de quadrilhas de trabalho, visualizar a enorme taxa de desemprego da comarca, e converterem-se num ponto de convergência social para a tomada de acordos e açons diretas.





O grupo já está maos à obra, e após três jornadas de trabalho comunitário, recuperárom o antigo lavadoiro da Mina de Ponços, em Covas, roçando a zona circundante, atraindo a atençom da vizinhança. Esta mina de ouro, que se crê da época romana, foi a começos do s.XIX umha das mais imporantes na Galiza. ADREP também denuncia no seu blogue que a documentaçom que há sobre a mesma de parhttp://www.blogger.com/img/blank.gifte da Junta da Galiza, no Plano de Organizaçom do Litoral da Praia de Ponços, esteja redatado em espanhol e nom em galego.

No seu blogue vam colocando imagens do "antes e depois" dos lugares recuperados, anunciam as datas e horários das jornadas de trabalho comunitário, e recolhem notícias de outras pessoas que tomam a iniciativa, como a octogenária de Sam Jurjo, que perante a desídia do Concelho de Ferrol, pegou na foucinha e nom aguardou por ninguém para desbroçar as cunetas do vial. Pouco antes, em Covas a vizinhança organizara umha sega reivindicativa para poder fazer uso do parque infantil. Em Esmelhe nom ficárom atrás, tomando a gestom comunitária das suas pistas.

Tirado do