11 abr. 2012

A Ertzaintza mata un mozo dun pelotazo (Bilbo)

Tras arrancar dous ollos de raíz e mandar á UCI a un rapaz con severos traumatismos craniais na pasada folga xeral, ao final conseguírono, xa se cargaron a alguén. Era de esperar, os máis de 20 feridos polos proxectís de caucho nos recentes disturbios de Barcelona só eran unha proba, o partido entre o Athletic e o Schalke do pasado xoves foi o momento no que o cántaro, de tanto ir á fonte, rematou por romper: Iñigo Cabacas xa non animará xamais ao seu equipo, a policía asasinouno cunha pelota de goma.

A maioría dos países de Europa non utilizan tan perigosos medios represivos, non obstante en españa son a xoia do arsenal antidisturbios, o xoguete preferido do badulaque uniformado, a pedra angular do control de masas e o baluarte sobre o que descansa a nosa paz social.

Un disparo a menos de 20 metros e directo á cabeza, non como estipulan esas normas e procedementos policiais redactadas con esmero sobre papel mollado. E é que o estado soltou demasiado a correo dos seus cans, a sabendas de que ao pobo non lle deixaron outro remedio que o de rebelarse. Sáenlles máis baratas as balas de goma que as axudas sociais.

E eses politicuchos e tertulianos endomingados séguense enchendo a boca coa violencia: A VIOLENCIA!, anatema satánico, encarnación do mal en estado puro, consistente en prenderlle lume a un colector ou romper os vidros dun banco. Que dirán agora eses meapilas? Que pasaría se o morto fose un policía ao que lle encasquetaron un merecido adoquinazo no medio dunha manifestación? Que pasaría se os dous ollos estalados e os dous bazos extirpados durante a última folga estivesen nas filas da represión? Se as torturas e os ósos rotos llelas aplicasen os manifestantes aos policías... e nos centros sociais en lugar de nas comisarías? Probablemente instaurarían o estado de excepción e os xornais xustificaríano dun millón e medio de maneiras, invocando sempre o sacrosanto mantra da violencia.

Parabéns malnacidos, as vosas armas "non letais" cumpriron á perfección o seu labor, un novo "pacificado" que xa non vos dará problemas.

C.Ribas

3 comentarios:

  1. Aúdio dumha testemunha do assassinato:

    Ziortza Ruiz é umha das tantas pessoas que no passado joves sofreu nas suas carnes a dura cárrega da Ertzaintza nos arredores da Herriko Taberna de Indautxu, que causou a morte de Iñigo Cabaca. Ziortza da conta no seu relato de como sucedeu tudo e qual foi a atitude da Ertzaintza dende o primeiro momento da sua intervençom:
    http://www.info7.com/2012/04/11/ziortza-ruiz-iinigo-cayo-al-suelo-delante-mioi/

    ResponderEliminar
  2. Umha moi interesante reflexom: Caçar Cervos
    http://borrokagaraia.wordpress.com/2012/04/10/cazar-ciervos/

    ResponderEliminar
  3. Detidos dous jovens acusados de provocar a cárrega que matou a Iñigo Cabacas !!!

    Entanto os assassinos seguem soltos e os seus jefes nas suas poltronas !!

    Além todas as testemunhas falam de que a peleja entre os dois moços foi nada mais que isso, umha simples liorta entre borrachos, se isso justifica disparos a matar, apanhadas imos...

    Notícia recolhida de:
    http://www.eitb.com/es/noticias/sociedad/detalle/866201/detenidos-dos-jovenes-acusados-provocar-carga-mato-cabacas/

    ResponderEliminar