(Compostela) Vista preliminar contra as detidas da Sala Iago

Ontem, 20 de fevereiro, a primeira hora da manhá acudirom aos julgados de Compostela as doze pessoas encausadas e retidas pola okupaçom da Sala Iago como espaço cultural liberado para a vista prévia junto ao juiz instructor do caso, Jose A. Vázquez Taín, quem apareceu só por uns minutos com um sumário abultado que mesmo mereceu um seu comentário ao respeito de que “nom para de medrar” e pouco mais que veu dizer que as doze enfrontam-se a umha petiçom da fiscalia de carregos por usurpaçom e, “caga-te lorito” por “tenência de material explosivo!!”

Dizer que as doze encausadas remetirom-se ao seu direito a nom declarar até que seja o juízo e em poucos minutos abandonarom os julgados à espera de que este vaia-se celebrar.

Cabe destacar como nota curiosa que o fidel vozeiro da judicaturia e polícia compostelana “El Correo Gallego” publicita hoje no jornal em grandes titulares que “La Yago lleva casi un lustro a la espera de una solución” se bem nom fai mençom algumha à vista celebrada ontem, pero nom deixa de ser curiosa a coincidência de querer valorar a actitude do concelho de preocupar-se por umha sala que estava abandonada e em risco de ruina e que ninguém se preocupara de-la até que foi a okupaçom com portas abertas e centos de pessoas se passarom por ela para participar de numerosas actividades durante o tempo que durou a okupaçom.

Sinalar também que um outro vozeiro da fiscalia e da polícia, La Voz de Galicia, a maus do seu experto na intoxicaçom dos feitos acaecidos em torno à Sala Yago, Xurxo Melchor volve à cárrega com umha notícia tremendista sobre uns supostos "cocteis McGuiver" atopados na Yago e aponta a sua grande perigosidade e as bolas de papel de alumínio usadas como "metralha". Mas, a pouco que buscas pola rede, para querer saber de que fala o Melchor, descobres que a sua perigosidade nom deve ser tanta quando mesmo o método de cómo faze-lo aparece no youtube explicado passo a passo por um moço adolescente e tal vídeo nunca foi removido deste site, por outra parte, tam proclive a censurar:



Todas somos A Sala Iago ¡¡

Notícia redactada por Edu