5 jun. 2014

[Grécia] Atenas, Exarchia: Ataque com disparos de arma de fogo contra o CSO Vox

Colamos esta informaçom enviada por ANA á nossa caixa de correios:

Na terça-feira, 3 de junho de 2014, o Centro Social Okupado Vox (Κ*ΒΟΞ) recebeu um ataque com disparos de armas de fogo e se sospeita que forom obra da máfia da droga em colabouraçom com a polícia. A seguir publicamos o texto que foi publicado no Indymedia de Atenas após o ataque. Queremos acrescentar ao mencionado no comunicado de Vox, que segundo várias testemunhas, um pouco antes do ataque ao Vox, as mesmas pessoas dispararam contra a velha Escola Politécnica, situada a pouca distância do Vox:

Publicamos esta informaçom sobre os disparos na velha Escola Politécnica, assinalando que ainda nom está confirmada e verificada. Se é certo, e dado que este lugar é usado por muitos grupos, colectivos, iniciativas e projectos do movimento anarquista, antiautoritário e libertário, para realizar assembleias e palestras, é provável que os mafiosos quiseram enviar umha mensagem a todos estes movimentos e nom só ao espaço Vox. Seja como for, a resposta é que nengum ataque mafioso, estatal ou paraestatal, pode intimidar, aterrorizar o movimento anarquista e aos lutadores sociais.

Na terça-feira, 3 de junho de 2014, por volta das 2h30, umhas pessoas desconhecidas dispararam pelo menos cinco vezes na entrada principal do Centro Social Okupado Vox. Duas das balas penetraram a porta de enrolar exterior e romperam a porta principal de cristal. Afortunadamente naquele momento nom havia nengumha compa dentro da okupa.

Ultimamente o Centro Social Okupado Vox, junto a vizinhança, e a colectivos e lutadores sociais do bairro, tomaram umha série de iniciativas para a realizaçom de acçons contra as máfias e o tráfico de drogas no bairro de Exarchia, o qual se faz com a tolerância e a cobertura da Polícia. Na quarta-feira, 28 de maio de 2014, realizou-se umha assembleia massiva com a participaçom de habitantes, trabalhadores e colectividades de Exarchia. Foi tomada a decisom de criar umha assembleia popular em Exarchia, e de realizar umha concentraçom e marcha na quinta-feira, hoje 5 de junho de 2014, como início de um ciclo de acçons contra as máfias e seus protectores estatais. Cremos que os disparos contra Vox dois dias antes desta concentraçom e marcha, constituem umha tentativa desesperada dos narcotraficantes de intimidar o movimento e a comunidade local. Estes, em colaboraçom com a Polícia, querem converter o bairro em um gueto.

Vale a pena mencionar que doze horas depois do ocorrido, temos recolhido os casquilhos do ataque que recebemos, assim como o que aconteceu em outros casos de conflictos armados entre mafiosos no bairro, quando os casquilhos os recolhiam as habitantes do bairro, já que a Polícia, que colabora com os ciclos mafiosos, nestas situaçons têm umha atitude de inércia provocadora.

O CSO Vox, desde o primeiro dia de sua existência, se opôs à aliança entre a Polícia e a máfia no bairro de Exarchia, e a transformaçom do bairro em um gueto. Muitas vezes, companheiros do espaço Vox se colocaram no ponto de mira da Polícia e das máfias, assim como, por umha grande parte dos meios de desinformaçom massivos. Ademais, nom se passou muito tempo, desde que três companheiros do Vox foram citados pela Direçom Geral da Polícia de Atenas, como suspeitos, tendo como único indício umha “chamada anônima” que os relacionava com umha intervençom anarquista em Exarchia contra o tráfico de drogas.

Como nom conseguiram aterrorizar-nos com o cerco policial no edifício (abril de 2012), com os cercos a nossas casas (janeiro de 2014), as citaçons (abril de 2014) e as ameaças constantes contra nós, agora se valem das balas de uns pistoleiros covardes.

Nada do anteriormente citado pode aterrorizar o movimento.

Chamamos as pessoas lutadoras e solidárias à concentraçom e marcha, na praça de Exarchia, na quinta-feira, 5 de junho de 2014, às 18h.

No hay comentarios:

Publicar un comentario en la entrada