[Lugo] Venres 28 as 19:00'.- Palestra de Josep Pàmies: "A Doce revolución das Plantas Mediciñais"

Damos pulo a esta convocatoria que nos enviaron dende "A Cova da Terra" (Asociación Galega de "comercio xusto" e "consumo responsable" sen ánimo de lucro que en 1995 abriran a primeira tenda galega de "comercio xusto"):

Dende A Cova da Terra queremos convidarvos á conferencia que o revolucionario pagès Josep Pàmies vai a impartir o vindeiro venres día 28 ás 19hr no Salón de Actos da Deputación de Lugo: "A doce revolución das plantas mediciñais", na que aproveitará para presentar a versión en castelán do seu libro: Una dolça revolució ("Una dulce revolución") de Stevia editors, un libro sobre saude e alimentación, e sobre os intereses ocultos que se moven fora da vista da cidadanía.

Organiza: A Cova da Terra
Colaboura: O Bandullo Ecolóxico.

"Eu son simplemente un campesiño indignado polo engano ao que a pseudociencia agraria me someteu durante moitos anos da miña vida, facéndome crer que pesticidas, funguicidas, herbicidas, hormonas e antibióticos eran parte do progreso da Humanidade. Descubrir o engano á miña idade, motívame para facer todo o que faga falta para volver a deixar a terra aos meus fillos e netos ao menos como ma deixou meu pai. Non podo crer nesta ciencia corrupta que sí pensa no máximo beneficio a costa do que sexa. Os transxénicos poden ser o final do círculo de dominación da Humanidade, e que a tal propósito fan falta accións decididas e fortes, e sobre todo moita implicación da sociedade”. Josep Pàmies

Para saber máis: Dolça Revolució e Pàmies blog