[Grécia] Fim da greve de fame e sede dos 7 anarquistas presos em Koridallos

Nom é habitual informar em tam pouco espaço de tempo do começo dumha greve de fame e sede e do seu remate satisfactório, mas assim se passarom as cousas neste caso.

Cobrimos pois o remate da greve, que colamos de ContraInfo

Na noite do domingo, 15 de dezembro, damos fim á nossa greve de fame e sede, pois acadamos o nosso objectivo principal, é dizer, o mantemento da nossa comunidade.

A través desta movilizaçom resistimo-nos ao intento da administraçom do cárcere de Koridallos de dividir-nos e deixamos claro que nom imos tolerar nenhuma tentativa de insulto a nossa dignidade.

Em quanto ao que tem a ver com a eleiçom do módulo A como umha das nossas demandas, isso foi só para evitar que nos transladaram a todos a um módulo de ailhamento. Entanto estávamos em greve, informaram-nos de que o problema da administraçom em relaçom ao nosso regresso ao módulo A é a postura negativa doutros presos cara nós. Dado que os líderes dos grupos que controlam esse módulo confirmaram tal coisa aos nossos compas, decidimos que nom queremos regressar a um módulo beneficiário, especialmente desde o momento em que a táctica de ruptura que seguimos em contra dos carcereiros está rompendo a tranquilidade, a comodidade e os benefícios, que som a principal preocupaçom da maioria dos presos.

Seguirá um texto analítico que descreva todo o acontecido.

PD. Os berros e as consignas dos nossos compas nos acompanharom, rachando o ailhamento das celas disciplinárias, e as chamas do ataque á comisaria de polícia de Exarchia nos quentarom os nossos coraçons.

Fivos Harisis
Argyris Ntalios
Yannis Michailidis
Dimitris Politis
Giorgos Karagiannidis
Babis Tsilianidis
Grigoris Sarafoudis