A CNT de Compostela adire á denúncia contra a brutalidade repressiva do Estado

Días atrás era assinado, por 25 organizaçons da Galiza, este Manifesto-Comunicado Coletivo de Urgência contra a Brutalidade Repressiva do Estado, a raiz da sentencia condenatoria contra 4 independentistas e do que colamos o enlace à web de CEIVAR nesta nosa entrada deste blogue de Abordaxe.

Na altura, a quem isto subscreve, chamara-me a atençom que a CNT de Compostela assinara um Manifesto que tinha como subtitular: Pola Soberanía Nacional de Galiza, mas dim por feito que o espiritu solidario num momento de "resposta urgente" fora a causa de tal assinatura, onde entroutras coisas fala-se de: "um Estado obsessionado com a sua própria “integridade territorial” e com a criminalizaçom e perseguiçom dos processos soberanistas, um instrumento repressivo de primeira ordem que levanta a veda para criminalizar e penalizar organizaçons sociais e políticas de caráter nacionalista" ou istoutro: "evidencia o triunfo das teses mas regressivas para umha abordagem em termos penais e policiais das posiçons soberanistas, é umha sentença política e pretende abrir as portas para a criminalizaçom das pessoas e organizaçons que reivindicamos legitimamente a soberania nacional do nosso país". Em definitiva, a CNT assinando um Comunicado onde destaca a retórica "proto-nacionalista" e "soberanista", e que carece de referência algumha a outras "pessoas ou organizaçons sociais e políticas" que também estám a ser criminalizadas e perseguidas.

Agora soubemos que em martes 17, a CNT de Compostela fixo publicas as suas razóns para assinar, que colamos da web da CNT-Galiza:

Xunto con outras 25 organizacións de carácter sindical e político e de diferentes ideoloxías, a CNT de Compostela adería o pasado venres ao Manifesto contra a Brutalidade Represiva do Estado, após a publicación da sentenza condenatoria a un total de 56 anos de cárcere a catro persoas galegas, primeira sentenza que asume a existenza dunha organización terrorista na Galiza e que condena a estas persoas polo simple facto de "pertenza a organización terrorista", anque na mesma sentenza se afirme que a pertenza a unha organización terrorista próbase polo simple coñecemento da mesma, e se afirme que unha organización terrorista non é unha banda armada, senón apenas un grupo estruturado ou informal que teña como finalidade subverter a orde constitucional. É evidente que, ante esta calificación, calquera persoa ou grupo que teña, por exemplo, a finalidade de rematar co sistema capitalista, imposto na Constitución Española mediante o dereito á propiedade privada, é unha persoa sospeitosa de terrorismo. Desde a CNT de Compostela temos claro que esta recente sentenza non ten outra finalidade que a persecución e a criminalización de todos cantos grupos e persoas se botan diariamente á rúa en protesta contra un sistema que día a día nos escraviza e nos empobrece. Temos claro que, a pesar da debilidade das probas, da escasa gravidade dos feitos polos que foron encausados, o tribunal de excepción que é a Audiencia Nacional procuraba a toda costa unha sentenza condenatoria por terrorismo, desde a que os póderes públicos e os corpos de represión poidan aplicar a teoría do entorno e criminalizar indiscriminadamente a un pobo que se levanta en loita contra o capitalismo.

Entendemos que a gravidade dos factos envolve ao conxunto do pobo galego consciente da actual situación socioéconómica que padecemos, cun retraemento inédito de dereiros sociais, así como de asistencias básicas e un empeoramento das nosas condicións de vida a niveis tamén inéditos. Polo mesmo, consideramos que a solidariedade coas persoas condenadas e a denuncia desta estratexia de criminalización envolve ao conxunto da clase obreira galega e ao conxunto das organizacións que, para alén das diferencias ideolóxicas e tácticas, se sitúen sen condicións pola defensa da liberdade.

Só dizer que, tal coma digem, chamara-me a atençom tal posiçonamento, e mais se o comparamos com as nota "urgente" de desvinculaçom da CNT Sabadell (e mesmo crítica destructiva já passados uns dias) emitidas quando a repressom contra xs 5 de Sabadell.

Assdo. eDu