12 jun. 2013

[Compostela] Sábado 15 - Manifestaçom Solidária - Nom a Criminalizaçom do Independentismo

Cumprimentamos esta convocatória do Organismo Popular Anti-repressivo CEIVAR do sábado 15 de Junho ao respeito da manifestaçom com saida na Alameda de Compostela às 19h em apoio e solidáriedade com Maria Osório, Antom Santos, Eduardo Vigo e Roberto Rodrigues, os quatro militantes independentistas que vam ser julgados na Audiência Nacional o 24 e 25 deste mesmo mês e que enfrentam umha petiçom de 64 anos de prisom.

Alega CEIVAR que:

"A explicaçom a estas petiçons desorbitadas para pessoas que nom tenhem atuado contra a vida, a saúde ou a integridade de ninguém, encontra-se num Estado Espanhol instável e ameaçado por natureza, que protege com muito maior rigor a sua integridade e o seu ordenamento jurídico-político do que os direitos e a liberdade das pessoas e dos povos. É por isto que o do 24 e 25 de Junho é mais um processo de caráter nitidamente político.

Eduardo Vigo, Teto Fialhega, Antom Santos e Maria Osório som quatro militantes independentistas exemplares, trabalhadores infatigáveis em favor das mais variadas causas políticas, sociais e culturais, galegos bons e generosos ao serviço do seu povo, em quem o Estado quer descarregar a sua impotência ante a incapacidade de fazer-se respeitar. Um exemplo perigoso para umha Espanha em profunda crise económica, política e social, e que na lógica repressiva do Estado merece ser castigado com mais severidade que o assassinato ou a violaçom.

Ante a pretensom do Estado de julgar na Audiência Nacional a Galiza que responde, desde Ceivar encorajamos as pessoas e coletivos solidários a apoiar, participar e difundir esta manifestaçom nacional solidária com Edu, Teto, Maria e Antom".

2 comentarios:

  1. A independencia pòuco ten que ver dende un punto de vista Anarquista ca idea da nazion e ca sua defensa...
    NAZIONALISMO E FASCISMO.

    !Saude!

    Firm: Un anarka calquera.

    ResponderEliminar
  2. Buff! Semelha que um novo troll vissita Abordaxe dando lecçons de solidariedade e do que se deve ou nom publicar.

    Bem vinda anarquista de verdade!!

    ResponderEliminar