ACAMPADA ANARQUISTA NOROESTE 16, 17 e18 SETEMBRO 2011

Carta aberta a colectivos e individualidades anarquistas do noroeste ibérico.

Son numerosas as experiencias de luita que se están a desenvolver dentro do ámbito libertario. Dende Ferrol ata A Guarda, pasando pola Coruña, Pontedeume, Santiago, Lugo, Cangas, Ponteareas, Vigo… coñecemos xente luitando na mesma dirección de varios xeitos. Somos muitxs xs que traballamos cuns principios como son o asamblearismo e a horizontalidade, o rexeitamento á colabouración cos axentes do capital e a súa careta democrática.

Vivimos tempos extraños, tempos de dominación e rebeldía, de sumisión e axitación. Non só o noso “territorio” máis cercano está convulso, por todo o mundo surxen espontáneamente e se desenvolven luitas antiautoritarias.

Nós como anarquistas temos algo que dicir e moito que facer, as nosas sociedades están sufrindo violentas transformacións, a violencia policial e laboral cada día é máis evidente, as sentencias e condeas por furtos e delitos políticos cada día máis comúns, xs pobres, xs obreirxs, por necesidade ou vocación, seguen roubando, rebelándose, axitándose.

Non é unha idea nova que nos surxa a nós, levamos tempo tentando coordinarnos dende diferentes puntos do noroeste pra tomar contacto, puntos de encontro onde poder reflexionar e desexablemente, xerar unha ferramenta que nos permita traballar xuntxs primando o que nos une, e deixando o que nos poda separar para o traballo persoal de cada unhx.

Para calquer idea, critica, aportación ou si desexas participar no grupo de traballo acampada escribe a: grupotraballoacampada@hotmail.com