A carne clonada non figurará nas etiquetas (U.E.)

Tras tres anos de negociacicións, os gobernos dos países da U.E. conseguiron impor os seus criterios comerciais e impedir que as etiquetas revelen a procedencia da carne de animais clonados ou dos seus descendentes, deixando sen efecto as normativas ó respecto que pretendíanse implantar na Eurocámara.

Pese a que a maioría dos europeos oponse ó uso de carne clonada no eido alimentario (un 60% según enquisas do 2008), os argumentos económicos baseados no medo á guerra comercial con EEUU e Arxentina ,que importan entre 300.000 e 500.000 toneladas deste xénero a Europa, prevaleceron sobre calquera outra consideración. Deste xeito queda en vigor a directiva do 1997, que deixa un vacío legal sobre o tema, ficando en vía morta os intentos por prohibir a carne clonada ata a quinta xeración e por asegurar a trazabilidade da procedencia no etiquetado.

Esta directiva sobre “novos alimentos” (simpático eufemismo) non inclúe os organismos xenéticamente modificados (tranxénicos) que teñen a súa propia normativa, pero que, coma neste caso, só beneficia ás multinacionais.

Temos que lembrar que os animais clonados teñen máis mortalidade e collen máis enfermidades que os seus “pais celulares”, nembargantes, os organismos encargados pra facer informes sobre a seguridade alimentaria da carne e leite desta procedencia (EFSA) aseguran non atopar diferencias coa orixinal. Algo non deben de estar a facer ben estes organismos, subvencionados pola U.E., pois se viven menos e enferman máis os clonados que os naturais, alguna diferencia terán.

Noticia elaborada a partir de varias novas da prensa comercial, por exemplo, aquí, aquí e aquí.